Anoreksia e bëri ‘asht e lëkurë’, mjekët mahiteshin se dukej si kufomë e gjallë dhe mund të luante në filma horror (Foto)

Kristina Karyaginas nga Barnaul i Rusisë, që peshonte sa një fëmijë katërvjeçar si pasojë e anoreksisë, i ishte thënë prej mjekëve që dukej si kufomë e gjallë dhe mund të bëhej pjesë e filmave horror.

Trupi i saj dukej si ‘asht e lëkurë’ kur ra në vetëm 17 kilogramë, pasi me të përfunduar shkollën e mesme ndaloi edhe së ngrëni, transmeton Telegrafi.

Tani 26-vjeçarja po trajtohet falas prej mjekëve, të cilët panë fushatën në Instagram, ku miqtë e saj kërkonin të holla që ajo të trajtohej për sëmundjen. Gjatë fundit të adoleshencës, ajo mbijetonte vetëm me copëza të bananeve dhe nga ndonjë mollë në ditë.

Pasi përfundoi fakultetin juridik, gjendja e saj u rëndua dhe mbeti në banesë, e pafuqishme të lëvizte. Me t’ia mbledhur 1,500 euro, Karyagina me nënën e saj shkuan në Nizhny Novgorod, ku e priste ekipi i specializuar, që nisën menjëherë procesin e trajtimit.

Në ditën e dytë të trajtimit, ajo hëngri edhe disa ushqime të vogla, që nuk ishin pemë. “Për mua ishte e pabesueshme, ta shihja të bijën që hante fasule të fërguara. Nuk po i besoja syve, isha mësuar ta shihja vetëm duke ngrënë copëza pemësh dhe teksa pinte ujë”, ka thënë nëna saj Maria.

Mësohet se pas një viti, ajo për herë të parë e ka ngrënë një shujtë të vogël, ndërsa ka dalë me të ëmën për një xhiro rreth qendrës ku është duke u rehabilituar.

Megjithëse ende ka peshë të lehtë, Karygaina i ka shpëtuar peshës prej 17 kilogramë, ku shumë anoreksikë mbesin të vdekur.

Vullneti dhe këmbëngulja, po e ndihmojnë atë të luftojë me këtë sëmundje të rëndë, që po përhapet vazhdimisht, ndërsa po bëhet shumë pak për ta trajtuar. /Telegrafi/

https://youtu.be/8S0mFWCh7I8