Ankandi publik ekskluziv me vetura nga UNHCR mbahet me 13 mars

Shtëpia e Ankandeve Kosova organizon Ankand ekskluziv me vetura nga Zyra e Komesariatit të Lartë të Kombeve të Bashkuara për Refugjatë (UNHCR). Ankandi mbahet me datë 13 mars 2021 në ora 11:00 në zyrat e Shtëpisë së Ankandeve Kosova. Veturat që shiten janë të tipit Toyota Rav4 Hybrid (1), Volvo XC60 (1), Renault Fluence (3) dhe Dacia Duster (2).

– Shitja e veturave të cekura më lartë është subjekt i Kushteve për pjesëmarrje të cilat mund të merren në lokacionin e cekur më poshtë.

–  Secila veturë do t’i shitet ofertuesit më të lartë sipas parimit “ashtu si është – aty ku është“.

– Pjesëmarrja në ankandin publik është subjekt i pagesës së Tarifës/Depozitit për Regjistrim në vlerë prej 2,000 euro/veturë. Kjo tarifë është e kthyeshme për pjesëmarrësit të cilët nuk shpallen fitues.

– Ofertuesit të cilët shpallen fitues duhet të kryejnë pagesën totale në afat prej tri [3] ditësh pune nga data e ankandit publik e cekur më poshtë.

– Shitja e veturave është subjekt i “Çmimit Rezervë”. UNHCR rezervon të drejtën të mos shpallë shitjen e veturës në rast se nuk arrihet ky Çmim Rezervë gjatë ofertimit.

Shikimi i veturave si dhe regjistrimi i pjesëmarrësve në ankand publik do të bëhet në lokacionin e lartpërmendur duke filluar nga 03 janar 2021 nga ora 10:00 deri në 15:00 deri në ditën e ankandit publik.

Për shkak të rregulloreve në fuqi lidhur me situatën pandemike, në ankand publik mund të marrin pjesë fizikisht më së shumti 110 persona. Pranimi do të bëhet sipas renditjes së pranimit të depozitit në llogarinë bankare të Shtëpisë së Ankandeve Kosova.

Për informata na kontaktoni Shtëpia e Ankandeve Kosova në numrin e telefonit + 383 45 600 050.