Angus Cloud kishte probleme me shëndetin mendor ndërsa thuhet se e mendonte vetëvrasjen

Angus Cloud kishte kaluar nëpër beteja të shumta përpara se të vdiste të hënën (31 korrik) në moshën 25-vjeçare.

Aktori i “Euphoria” kishte qenë duke luftuar me mendime të rënda vetëvrasëse pasi u kthye nga Irlanda pas vdekjes së babait të tij, zbuloi një burim i brendshëm për Entertainment Tonight.

“Angus po qëndronte me familjen e tij ndërsa përpiqej të punonte për të kapërcyer pikëllimin”, shtoi burimi.

Dy javë para vdekjes së tij, Cloud kishte postuar një homazh dedikues për babain e tij, Conor Hickey, i cili vdiq në maj pas një sëmundjeje të shkurtër.

Clould kishte varrosur eshtrat e babait të tij në Irlandë vetëm javën e kaluar.

Lexo po ashtu Ylli i "Euphoria", Angus Cloud ndërron jetë në moshën 25-vjeçare

Ndërsa familja e Cloud nuk ndau shkakun e vdekjes së tij, ata vunë në dukje:”Angus ishte i hapur për betejën e tij me shëndetin mendor dhe ne shpresojmë që vdekja e tij mund të jetë një kujtesë për të tjerët se ata nuk janë vetëm dhe nuk duhet ta luftojnë këtë vetë në heshtje”.

Madje, vetëm pak muaj para vdekjes së tij, aktori i ndjerë kishte folur edhe se si nuk i pëlqente të ishte i famshëm.

“Nuk më pëlqen që njerëzit të më vënë re në rrugë. Jam vërtet paranojak”, kishte deklaruar ai.

“Unë gjithmonë tregoj dashuri ndaj njerëzve që më afrohen, por disa njerëz thjesht vrapojnë dhe më fusin telefonin në fytyrë. Shoku, unë nuk jam kloun në karnaval. Por më pëlqen kur njerëzit më kërkojnë autograf. Ka ndodhur vetëm disa herë”, kishte thënë ai.

Ai gjithashtu pranoi se duke luajtur në shfaqjen hit HBO nuk kishte qenë kurrë për t’u bërë i famshëm si të tjerët që “po përpiqeshin” ta bënin këtë.

“Ata po punonin shumë dhe thanë: ‘Unë do të arrij në majë’. Për mua, ishte një mundësi shumë e mirë për t’i thënë jo. Nuk e kisha idenë se do të shkonte kaq larg”, kishte rrëfyer Cloud. /Telergafi/