Vëllezërit Tate po hetohen lidhur me pretendimet se një vajzë 17-vjeçare është trafikuar në Britani dhe është detyruar të “kryejë akte seksuale për të prodhuar materiale pornografike”.
Drejtoria Rumune për Hetimin e Krimeve të Organizuar dhe Terrorizmit (DIICOT) njoftoi të enjten se njëra nga viktimat e dyshuara, 17 vjeçe, është “mashtruar” dhe është mbajtur në disa lokacione në Rumani dhe Britani të Madhe. Sipas pretendimeve, ajo është detyruar të kryejë akte seksuale, ndërsa materialet pornografike janë shpërndarë në disa faqe interneti, shkruan The Sun.
Policia rumune gjithashtu pretendon se njëri nga të pandehurit kishte “marrëdhënie seksuale” me një vajzë 15-vjeçare nga dhjetori i vitit 2020. Dy të pandehurit akuzohen nga prokurorët se kanë blerë makina luksoze “në emrat e personave të afërt” për të fshehur fitimet e përfituara nga trafikimi i qenieve njerëzore, sipas autoriteteve.
Ata pretendohet se kanë përdorur metodën “loverboy”, ku tërhiqnin vajzat që të binin në dashuri me ta, më pas i rekrutonin dhe i zhvendosnin në shtëpi të ndryshme për të bërë pornografi. Materialet pastaj transmetoheshin në disa platforma, ku shikuesit paguanin një tarifë për të parë.
Autoritetet rumune thonë se janë gjithsej 34 viktima të dyshuara, të cilat ishin në një “gjendje të dukshme të cenueshme”. Prokurorët pretendojnë se të pandehurit kanë fituar 2.8 milionë dollarë (2.1 milionë funte apo 2.5 milionë euro) “nga shfrytëzimi seksual i viktimave”.
Që kur u arrestuan fillimisht në dhjetor të vitit 2022, vëllezërit Tate kanë mohuar fuqishëm të gjitha akuzat e ngritura kundër tyre. Andrew Tate beson se ata janë viktima të “Matrix-it” – një term që ai përdor për të përshkruar një ‘ndërmarrje’ që ndëshkon ata që nuk përputhen me rregullat.
Vëllezërit u arrestuan të mërkurën mbrëma pasi policia rumune kontrolloi katër prona në të gjithë vendin. Ata mund të mbahen ligjërisht për 24 orë, por për të vazhduar më tej, nevojitet miratimi i një gjyqtari për arrest parandalues, që mund të zgjasë edhe 30 ditë të tjera.
The Top G, Andrew Tate was arrested again today this time for trafficking minors and money laundering.
It's always the ones with the loudest mouths.
Seems like the ones with the most to say have the most to hide. pic.twitter.com/fYBX1VvPEr— 🥀_ Imposter_🥀 (@Imposter_Edits) August 22, 2024
Në një deklaratë të DIICOT thuhet: “Si rezultat i kontrollit të shtëpive, janë gjetur dhe konfiskuar rreth 26,000 euro, 81,000 lei, 5,800 funte dhe 6,400 dollarë, dy ora luksoze, laptopë, njësi ruajtjeje të dhënash, dokumente dhe prova të tjera”.
Një sekuestrim sigurimi është vendosur mbi 16 vetura dhe një motor, të gjitha nga kategoria e luksit.
Andrew Tate, vëllai më i njohur, është një ish-kikboksier që u bë i famshëm duke projektuar një personazh ultra-maskulin në rrjetet sociale. Ai është vetë-shpallur mizogjenist dhe është një figurë përçarëse që ka bërë deklarata famëkeqe duke thënë se gratë duhet të “mbajnë përgjegjësi” për t’u dhunuar seksualisht.
Ai u ndalua në disa platforma të rrjeteve sociale, por së fundmi u rikthye në X (ish-Twitter), ku ka gati 10 milionë ndjekës. Andrew i tha gazetarëve se prokurorët ishin “të dëshpëruar” ndërsa ai u fut në një furgon policie të mërkurën mbrëma.
Një gjykatë në Bukuresht ka ndaluar vëllezërit të largohen nga Rumania ndërsa presin gjyqin për trafikim. Kjo ka përmbysur një vendim të mëparshëm në korrik që u lejonte të udhëtonin brenda BE-së.
Data e gjyqit ende nuk është caktuar. Shtetasit britaniko-amerikanë, të rritur në Luton, gjithashtu janë të kërkuar në Mbretërinë e Bashkuar pasi katër gra i kanë akuzuar ata për përdhunim dhe dhunë seksuale. Gjykata e apelit në Bukuresht ka miratuar një kërkesë britanike për ekstradimin e tyre në Mbretërinë e Bashkuar pasi të përfundojnë procedurat ligjore në Rumani. /Telegrafi/
Promo
Reklamo këtuLufta Prigozhin - Putin
Më shumëAdelina Ismaili reagon pas takimit të Kurtit me Enver Petrovcin: Pas fushatës denigruese ndaj tij, kryeministri dëshmoi që nuk qenka ndikuar nga rrethanat
George Clooney tallet me Brad Pitt: Ai është 74 vjeç, ai është me fat që mund të punojë ende në atë moshë
Naomi Campbell shfaq fizikun e saj prej supermodeleje në shfaqjen e Ralph Lauren
Selena Gomez bëhet miliardere
Adele refuzon ofertën prej afro 180 milionë eurosh për ta zgjatur turneun, pasi dëshiron të kalojë kohë me familjen e saj
Gigi Hadid duket plot stil, teksa shijon një natë argëtuese vajzash në New York
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë tregonte harta dhe ‘plani i Netanyahu për Gazën’?
Çanak: Sulmi në Banjskë, fundi i luftimeve midis Serbisë e Kosovës
Kush i fiton zgjedhjet parlamentare të 9 shkurtit, komentojnë analistët
Çfarë kërkoi Rabiot që frikësoi Juventusin, Milanin dhe klubet në Turqi
Zbulohen top 10 lojtarët më të paguar te Man United - dominohet nga "dështakët"
San Marino merr fitoren e parë pas më shumë se 20 vitesh