Ancelotti zbulon se çfarë i thanë tifozët e Valencias Viniciusit që e eskaloi situatën

Trajneri i Real Madridit, Carlo Ancelotti ka kritikuar tifozët e Valencias për abuzim racial ndaj Vincius Junior.

Reprezentuesi brazilian ishte në qendër të një përfundimi të diskutueshëm në Estadio Mestalla, pasi ai u përjashtua në kohën shtesë në humbjen 1-0 të Los Blancos në La Liga ndaj mikpritësve të tyre që luftojnë për mbijetesë.

22-vjeçari ka raportuar më parë incidente të abuzimit racist, si për gjyqtarët e ndeshjeve ashtu edhe për La Ligan, dhe shprehu zhgënjimin e tij për mungesën e veprimeve kundër autorëve.

Lexo po ashtu As 107 minuta lojë nuk e shpëtojnë Real Madridin nga humbja prej Valencias

Pamjet video në ndeshje duket se tregojnë Vincius duke u përballur me tifozët e Valencias dhe duke i dhënë mesazhin gjyqtarit të ndeshjes Ricardo de Burgos Bengoetxea.

Megjithatë, pavarësisht sasisë së madhe të provave në mbështetje të pretendimeve të tij, u ndërmorën pak veprime dhe ish-sulmuesi i Flamengos u përjashtua nga ndeshja.

Ancelotti u pyet për situatën në konferencën e tij për shtyp pas ndeshjes dhe italiani veteran nuk kishte asnjë dyshim në pikëpamjen e tij, duke thënë se ishte abuzimi më i keq racist që ka parë në një ndeshje futbolli.

Ancelotti rejects a journalist claim (also stated by Valencia director Javier Solis) that Valencia fans chanted 'tonto/silly' as Vinicius and NOT 'mono/monkey' pic.twitter.com/RzAREVbe0p

— Football España (@footballespana_) May 21, 2023

“Ne bëjmë ankesa dhe çfarë ndodh? Asgjë”, ka deklaruar pas ndeshjes Ancelotti. “E vetmja zgjidhje është ndalimi i lojës. Kjo nuk mund të vazhdojë. Ai është lojtari që merr më shumë faulle dhe ai që merr më shumë ofendime”.

“Para dhe gjatë incidentit me kartonin e kuq, i gjithë stadiumi i bërtiste ‘majmun, majmun, majmun’”.

“Jam shumë i trishtuar. Nuk kam parë kurrë diçka të tillë”, ka shtuar më tej strategu italian. /Telegrafi/