Ancelotti tregon se cilët lojtarë aktualë të Real Madridit mund të bëhen trajnerë në të ardhmen

Carlo Ancelotti është pyetur se cilët nga lojtarët e Real Madridit mund të bëhen trajnerë të mirë në të ardhmen.

Trajneri i Real Madridit doli para shtypit pasi klubi i tij festoi titullin spanjoll javën e kaluar dhe siguroi finalen e Ligës së Kampionëve kundër Borussia Dortmund më 1 qershor në Londër.

Eksperti italian theksoi se do të kombinojë skuadrën në ndeshjet e mbetura të kampionatit vendas për të përgatitur skuadrën për finalen e Ligës së Kampionëve.

Lexo po ashtu Jude Bellingham emëron futbollistin më të mirë në botë - ka shënuar vetëm 21 gola në të gjitha garat

“Qëllimi është ta shohim finalen të kompletuar. Lojtarët që janë kthyer së fundmi dhe kanë nevojë për minuta, si Courtois dhe Militao, do t’i marrin ato minuta”, deklaroi Ancelotti.

Në fund të konferencës për shtyp, një nga gazetarët spanjollë e pyeti Ancelottin se cilët nga lojtarët e tij mund të punonin si trajner pas karrierës së tyre.

Lexo po ashtu “Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi

“Disa lojtarë kanë cilësitë që janë të nevojshme për një punë trajneri. Duke marrë parasysh se sa e vështirë është të jesh trajner sot, ka shumë lojtarë që nuk duan sepse ka shumë presion dhe përgjegjësi”.

“Carvajal, Nacho, Ceballos, Kroos, Modric… Të gjithë ata mund të jenë trajnerë”, shtoi më tej Ancelotti. /Telegrafi/