Insistimin e Qeverisë së Kosovës për të zbatuar reciprocitetin në targa ndaj Serbisë po e cilëson si të gabuar dhe shkaktar të situatës së tensionuar në veri, gazetari dhe analisti serb, Branisllav Krstiq.
Ai në emisionin “Përballje” në Telegrafi.com me kryeredaktorin Muhamet Hajrullahu, thotë se Kurti është dashur t’i dëgjojë këshillat e aleatëve ndërkombëtarë se nuk është koha për këtë vendim.
“Faktet tregojnë se shteti i Kosovës ishte në një proces të implementimit të serbëve në institucionet e Kosovës. Kemi marrëveshje për çështjet elektro-energjetike dhe kemi marrëveshjen e para disa ditëve për lëvizjen e qytetarëve. Kjo do të thotë se Qeveria e Prishtinës ka pasur shumë sukses në negociatat me Beogradin zyrtar”, deklaron Krstiq.
“Me vendimin e fundit, pas paralajmërimit nga aleatët e shtetit të Kosovës, që nuk është koha për të insistuar, dikush në Qeverinë e shtetit të Kosovës ka vendosur që të mos e pranojë atë këshillë dhe s’e ka dëgjuar mendimin e qytetarëve të veriut. Ne si gazetarë e analistë e kemi provuar që ta paralajmërojmë kabinetin e z. Kurtit që gjërat nuk shkojnë në atë drejtim. Kemi pasur shembull kur është djegur vetura e pjesëtarit të policisë të shtetit të Kosovës. Askush nuk është arrestuar dhe kemi pasur një ambient kur shteti i Kosovës nuk kontrollon gjërat ashtu siç është e nevojshme për të implementuar vendimin që kanë marrë”.
Ai tutje thotë se insistimi i kreut të ekzekutivit kosovar për targat i ka mobilizuar edhe serbët të cilët e kanë pranuar realitetin e shtetit të Kosovës.
“Reciprocitet është kur unë të sulmoj ty edhe ti ma kthen mua, e kjo shkon në drejtim shumë të keq ku janë qytetarët e shtetit të Kosovës. Në veri kemi një situatë ku qytetarët serbë që janë duke u pajtuar me kryeministrin Kurti që Lista Serbe nuk përfaqëson interesat e qytetarëve serbë në Kosovë, por me këtë vendim që ka bërë z Kurti i ka mobilizuar edhe ata që kanë qenë kundër Listës Serbe dhe politikës së Vuçiqit dhe që janë duke pranuar realitetin e shtetit të Kosovës”.
Sipas tij, vendimi i ekzekutivit kosovar për shqiptimin e fletëqortimeve dhe gjobave ndaj qytetarëve serbë të cilët nuk i konvertojnë targat në RKS, është i papranueshëm dhe “vetëvrasje politike”.
Kjo pasi siç thotë, pronarëve të veturave që po e bëjnë një gjë të tillë po u digjen veturat brenda natës.
“Insistimi në dënimet është i pakuptueshëm dhe i papranueshëm. Është vetëvrasje politike kur dikush që e di se ka marrë një vendim të keq, insiston edhe për dy hapa në bërllok. Unë jam pronar i një veture 10 mijë euro dhe dua ta regjistroj në RKS, nëse kaloj në veri për një natë e kam veturën e djegur. Kryeministri i kupton këto gjëra por nganjëherë shkon në atë drejtim pa i dëgjuar gjërat”.
Analisti serb shprehet i bindur se kjo situatë do të kalojë pa incidente serioze, megjithatë paralajmëron që nëse kreu i qeverisë kosovare dërgon forca policore në veri, atëherë situata do të përshkallëzohet.
“Jam i bindur se këtë situatë do ta kalojmë pa incidente serioze. Serbët e veriut janë falënderues që z Kurti e ka kuptuar se nuk është momenti që t’i dërgojë forcat policore në veri. Nëse ndodh ashtu, atëherë do të kemi konflikt serioz”.
“Besoj se ne kosovarët boll kemi luftuar. Po flas edhe për shqiptarët dhe serbët. Me humb vetëm edhe një jetë të dikujt – nuk shkon. Boll është. E kemi ardhmërinë. Jemi në shekullin 21, shekullin e digjitalizimit e në flasim për tabelat. Ne e duam jetën. Unë jam duke jetuar me tre fëmijë në veri. Jam i shqetësuar për ata”.
Sipas tij, çdo qytetar i Kosovës që jeton në veri ka menduar se Beogradi zyrtar ka hequr dorë nga Kosova, por tani thotë se janë zgjuar ëndërrat për autonomi.
“Tash kemi ëndërr se, pra po flas në emër të qytetarëve, se mund të fitojmë autonomi e pak është në pyetje ndarja e shtetit të Kosovës. Në protestën që e kemi pasur para disa ditëve nuk kemi pasur flamuj serbë, kemi pasur flamuj të shtetit të Serbisë që do të thotë se sipas Kushtetutës së Serbisë, ata flamuj nuk janë për rrugë, por vetëm për institucione zyrtare e ambasada. Një mesazh nga Beogradi – kjo është Serbia. Jam i kënaqur se më duket që edhe Prishtina tash është më tolerante. Gjërat me siguri do të zhvillohen në paqe, jam i sigurt. E kemi tash takimin Kurti-Vuciq dhe ndërkombëtarët janë më shumë të interesuar. Në fund jam i sigurt se dëmet i kemi serioze – nuk kthehen në institucione ata që janë larguar”.
“Më duket se jemi në fillim. Jemi në situatë kur Beogradi ka një situatë të re për negociata. Jemi duke fol tash për Asociacionin. Marrëveshja me aleatët tanë ndërkombëtarë është shumë e nevojshme sepse pa Amerikën nuk e kemi shtetin tonë këtu në Kosovë. Tash duhet vetëm të dëgjojmë dhe asgjë më tepër e gjërat shkojnë si duhet”, shprehet Krstiq.
I pyetur se si kanë ndikuar këto zhvillime në jetën e tij dhe të qytetarëve tjerë serbë që jetojnë në veri, analisti serb thotë se nuk është e lehtë të pranosh ide nacionale e etnike nga Beogradi.
“Nuk është lehtë sepse nëse je duke punuar në 10 ose 15 vitet e fundit dhe vjen një ide nga Beogradi, një ide nacionale etnike kur duhet me pranua atë vendimin e njëanshëm nga ana e Beogradit. A është ajo veç një vendim i njëanshëm apo si rezultat i politikës së reciprocitetit”. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Nënshkruhet marrëveshja dypalëshe mes Kosovës dhe Malit të Zi, për Programin e Bashkëpunimit Ndërkufitar IPA III 2021-2027
Tahiri: Tri raste që dëshmojnë se VV synon të fsheh hajninë dhe mashtrimet
Euro bie sërish në tregun valutor në Shqipëri, arrin në nivelet më të ulëta vjetore
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë
Lajçak me post të ri nga shtatori
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët
RTK: Ambasadori Berishaj po intervistohet nga Prokuroria Speciale
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia