Këtë pranverë, si rrallë si në historinë e Serbisë, siç shkruajnë mediat serbe, duket se ka një vullnet politik për të bërë “sëmundjen më të thellë të shoqërisë sonë” – në fund të kuruar.
Dhe sipas tyre, përcjell Telegrafi, çështja e Kosovës në vitin 2018 do të marrë zgjidhjen e saj në një apo një mënyrë tjetër.
Megjithatë, sfidat në këtë rrugë janë të shumta, sipas analistëve me të cilët mediumi serb “Blic.rs” shkruan se ka diskutuar rreth mendimit të tyre për “zgjidhjen përfundimtare” të Kosovës.
Dhe sipas Aleksandar Popov, drejtor i Qendrës për Rajonalizëm ka të paktën dy faktorë që paraqesin “dhimbje koke” të vazhdueshme për Prishtinën, Beogradin dhe Evropën.
“Para së gjithash, është hezitimi i politikanëve që të hyjnë seriozisht në procesin e zgjidhjes së çështjes së Kosovës. Të dyja palët janë të vetëdijshme se marrëveshja vjen vetëm me koncesione reciproke, për të cilat ata nuk janë të gatshëm: në Prishtinë, pavarësia merret si një gjendje e kryer, e në Beograd, Kosova konsiderohet si pjesë e territorit. Të dyja duhet të bëjnë lëshime”, vlerëson Popov.
Gjithsesi, sipas tij, përcjell Telegrafi, konstant është edhe një publik i radikalizuar, i cili vë presion në të dy anët, kërcënon për trazirat dhe destabilizim.
“Të gjitha pengesat e tjera – arrestimi i Gjuriqit, vonesa në formimin e ASK-së, retorika nxitëse”, siç shton ai, janë instrumentalizuar çdo ditë.
Ndërsa sipas Dragan Gjukanoviç, nënkryetar i Qendrës për Politikë të Jashtme, injorimi i realiteteve në terren është një çështje kyçe.
“Injorimi i realitetit thelbësor të opinionit publik dhe pritja se diçka do të ndryshojë në mënyrë dramatike në nivel global: këto janë pengesat më të mëdha për zgjidhjen e çështjes së Kosovës në Serbi. Është veçanërisht problematike që faktori demografik në Kosovë nuk respektohet: tendencat që tregojnë rritjen e popullsisë shqiptare dhe rënien e popullsisë serbe nuk duhet të injorohen”, vlerëson Gjukanoviç.
Analistët gjithashtu pajtohen se Bashkimi Evropian nuk ka autoritet të mjaftueshëm për të finalizuar negociatat.
“Nuk ka autoritet të mjaftueshëm për të zbatuar atë që tashmë është negociuar. Unë mendoj se BE do të duhet të intensifikojë aktivitetet e saj diplomatike dhe përpjekjet për të zgjidhur këtë. Para së gjithash, na nevojiten më shumë takime të përfaqësuesve më të lartë të autoriteteve në Beograd dhe Prishtinë”, thotë tutje Gjukanoviç.
Përveç Gjukanoviç, edhe Alexander Popov gjithashtu nuk e sheh ndikimin e madh të Bashkimit Evropian në negociata.
“Ata nuk kanë ngritur krijimin e Bashkimit të Komunave Serbe si kusht për liberalizimin e vizave për qytetarët e Kosovës. Me pasivitetin e tyre, ata kontribuan në nervozizëm në Beograd dhe Prishtinë”, shpjegon ndër tjerash Popov. /Telegrafi/
Promo
Reklamo këtuLufta Prigozhin - Putin
Më shumëSHBA shuplakë Dodikut dhe Vuçiqit: Deklarata “gjithëserbe” sulm i rrezikshëm ndaj Dejtonit dhe institucioneve të Bosnjës
Anulohet vizita e Bernard Kouchner në Kosovë
Televizioni zviceran SRF me kronikë për 25 vjetorin e çlirimit të Kosovës
Hovenier për deklaratën e Serbisë dhe Republikës Srpska: S’është qëndrimi ynë
“Ftohja e madhe” Rama-Kurti, analistët: Betejë politike për dominim në sferën mbarëshqiptare
Rama "këshillon" Kurtin për të dalë nga kurthi i lojës “macja me miun” me Serbinë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Çmenduria që po synon ta bëjë Man City me Fodenin ka "frikësuar" edhe Real Madridin
Po largohet nga Real Madridi "krahu i djathtë" i Ancelottit
Ky është plani i ri i Gjermanisë në rast të një lufte në Evropë – me kërcënimet në rritje nga Rusia
Pique ka publikuar llogarinë bankare për të treguar se si duket paga e një futbollisti të nivelit elitar
Çfarë dihet deri më tani rreth zgjedhjeve për Parlamentin e ri Evropian?
AMP