Rrëzohet helikopteri në Ganë, ndër gjashtë të vdekurit edhe dy ministra

Një helikopter ushtarak u rrëzua në Ganë vonë të mërkurën, duke vrarë të gjithë pasagjerët në bord, përfshirë ministrin e Mbrojtjes të vendit Edward Omane Boamah, ministrin e Mjedisit Ibrahim Murtala Muhammed dhe dy zyrtarë të tjerë të lartë.

Nga ky aksident thuhet se gjetën vdekjen gjithashtu edhe katër anëtarë të tjerë të ekuipazhit.

Rrëzimi ishte një nga katastrofat më të këqija ajrore në Ganë në më shumë se një dekadë.

Ushtria e vendit tha se helikopteri u ngrit nga kryeqyteti, Accra, dhe po shkonte në veriperëndim drejt zonës së minierave të arit të Obuasi, përcjell Telegrafi.

Menjëherë pasi hyri në zonë në rajonin Ashtani, fluturakja u zhduk nga radari dhe rrënojat e saj u gjetën më vonë.

Ushtria thotë se shkaku i rrëzimit nuk dihet ende dhe është nisur një hetim për të hetuar incidentin.

Mediat shtetërore raportuan se ministrat ishin në bordin e një helikopteri Z-9, i cili përdoret shpesh për transport dhe evakuime mjekësore, dhe në përgjithësi konsiderohet i sigurt. /Telegrafi/