Instagram sjell risi në faqen e saj

Instagram është duke planifikuar të bëjë disa ndryshime të cilat do të shfaqen tek qindra miliona përdorues të saj.

Rrjeti social, në pronësi të Facebook, thotë se në muajt e ardhshëm do të "zgjedh dhe optimizojë" përmbajtjen, në mënyrë që përdoruesit e saj të mund të shohin se çfarë Instagram mendon se njerëzit duhet të shohin në rrjetin e saj social për herë të parë.

Në një postim në blogun e saj, Instagram thotë se sipas të dhënave në dispozicion, përdoruesit e saj tani humbin deri në 70 për qind të përmbajtjes së shfaqur. Mu për këtë, rrjeti social ka vendosur të ndryshojë.

Instagram ka thënë se do ta kërkojë edhe mendimin e përdoruesve për ndryshimet e bëra, dhe se do t’i marrë kohë derisa t’i aplikojë të gjitha risitë.