Ekipi SKADE shpallen fitues të turneut të CSGO Pinnacle Cup 3 - fitojnë mijëra euro si kampion

Ekipi bullgar SKADE është treguar shumë i suksesshëm në turneun e Pinnacle, duke pësuar vetëm një humbje.

Turneu i cili numëroi gjithsej 32 ekipe evropiane përfundoi me dominimin e ekipit bullgar SKADE, të cilët kishin mposhtur disa ekipe mjaftë të mira, por befasia kryesore ishte fitorja kundër ekipit të cilët renditen në vendin e tetë në ranglistën botërore Vitality.

Këtë ndeshje SKADE e fitoj me rezultat 2-0 e kjo ishte një befasi e madhe për fansat e CS:GO pasi Vitality ishin edhe favoritët kryesorë të turneut.

Në finale ekipi SKADE u takua me ekipin danez Copenhagen Flames, të cilët i mposhtën me lehtësi në dy mapa, 16:4  dhe 16:6.

Si kampion të turneut Pinnacle Cup 3, ekipi i SKADE fituan çmimin rreth 71 mijë euro, ndërsa vendi i dytë Copenhagen Flames fituan rreth 18 mijë euro.

/Telegrafi/