Austria po vendos më shumë trupa në kufirin lindor për të ndaluar imigrantët

Austria njoftoi të shtunën se do të vendoste trupa shtesë në kufirin lindor me Slloveninë dhe Hungarinë në mënyrë që të ndalonte fluksin e imigrantëve të paligjshëm.

Ministri i Brendshëm, Karl Nehammer dhe Ministrja e Mbrojtjes, Claudia Tanner njoftuan këtë në një konferencë shtypi.

Duke theksuar se rregulloret e migracionit të paraqitura nga Bashkimi Evropian janë joefektive kundër migrantëve të parregullt, Nehammer tha se numri i ushtarëve aktualisht në kufijtë lindorë së shpejti do të rritet nga 1,000 në 1,400, veçanërisht për shkak të zhvillimeve në kufirin hungarez, raporton heute.

"Austria nuk mund të merrte mbështetjen e nevojshme të BE", tha Nehammer, dhe së bashku me Gjermaninë nuk mund të zgjidhin "problemin e Afganëve në BE", duke iu referuar rritjes së popullsisë së Afganëve në atë vend.

Tanner theksoi që në fillim të këtij viti, 200 trafikantë u kapën në kufirin hungarez, kështu që numri i ushtarëve në kufijtë me Sllovakinë dhe Slloveninë mund të rritet në 2000. /Telegrafi/