Ambasadorja e Vullnetit të Mirë, Elvana Shala flet në Harkin Global Summit në Washington

Ambasadorja e Vullnetit të Mirë për Kosovën në IHRC Elvana Shala po qëndron për vizitë zyrtare në Washington të SHBA-ve, ku sot ishte folëse kryesore në Harkin Global Summit para 600 përfaqësuesve  të vendeve të ndryshme të botës.

Në fjalimin e saj Shala ka folur për progresin që ka bërë Kosova ne respektimin e te drejtave te njeriut me theks të veçantë kategoritë e margjinalizuara dhe puna që është bërë në integrimin e tyre në shoqëri.

Sipas komunikatës, ambasadorja Shala theks të veçantë kishte personat me nevoja te veçanta dhe viktimat e dhunës seksuale gjatë luftës në Kosovë duke vënë në pah punën e jashtëzakonshme që organizatat relevante kanë bërë në ngritjen e vetëdijes dhe ofrimin e shërbimeve për to.

Tutje ajo ka folur edhe për ligjet ne fuqi në mbrojtje të këtyre kategorive duke theksuar se Kosova çdo ditë e më shumë po bën hapa të sigurtë drejt një jete të barabartë për të gjithë, pa lënë anash edhe sfidat që na përcjellin si shtet.

Në këtë aspekt ajo ka kërkuar që SHBA-të të vazhdojnë të jenë aleat të fuqishëm të popullit tonë duke u ofruar mundësi të ndryshme trajnimi dhe mbështetjeje për këto kategori.

Në fund të fjalimit para senatorëve amerikan ajo ka shpalosur projektin e fundit Ritmi i Barazisë – si mesazh i fuqishëm se Kosova po bën hapa të sigurtë drejtë një jete të barabartë për të gjithë.

Ndërkohë nesër ajo do të pritet në takime të rëndësishme në Departamentin Amerikan të Shtetit. /Telegrafi/