Allegri: Nuk jemi ende 100 për qind, Dybala po kthehet, Bernardeschit ia tërhoqa veshin

Massimiliano Allegri thotë se skuadra e tij ende nuk është 100% dhe ende nuk është i kënaqur edhe pas triumfit kundër Young Boys me rezultat 3-0.

Juventusi ka gjashtë pikë në Ligën e Kampionëve në dy ndeshje.

“E nisëm mirë, kaluam në avantazh, kemi pësuar vetëm një rrezik dhe u tregua i zoti Szczesny”.

“Patëm raste, duhej të kishim shënuar më shumë gola e të shfaqnim më shumë qartësi kur niseshim në kundërsulm, sepse kishim superioritet numerik”.

“Bernardeschi dhe Dybala shkelnin nga pak në këmbët e njëri tjetrit. Zona e Paulo është qendra e djathtë, ndaj për të patur më shumë ekuilibër e tërhoqa Federicon, që e zgjat shumë skuadrën dhe krijon hapësira”.

“Bernardeschi bëri një ndeshje të bukur, ndonëse i tërhoqa veshin, sepse në disa raste duhej të pasonte më shumë topin”.

“Harmonia mes Ronaldos dhe Dybala? Sa më shumë luajnë bashkë aq më shumë kanë mundësi të njihen. Kur ke një pikë referimi përpara, të tjerët kanë më shumë mundësi që të avancojnë dhe të shënojnë gola, sepse ai futbollist krijon hapësira”.

“Ne jemi në formë të mirë, por jo optimale”.

“Ne kemi nevojë për të shënuar sa më shumë gola, sot dhe kemi pasur mundësitë”.

“Tani kemi një tjetër test të ashpër në Serie A kundër Udinese të shtunën dhe duhet të përgatitet në një nivel psikologjik”, deklaroi Allegri pas ndeshjes. /Telegrafi/