Allegri kërkon fitore ndaj Empolit

Pas ndeshjeve miqësore të Kombëtareve, kampionatet elitare në Evropë do të rikthehen për të luajtur.

Kështu kampioni aktual i Italisë, Juventus do të luaj përballë Empolit, skuadër që ka bërë lojëra të mira këtë edicion.

Trajneri i Juventusit, Massimiliano Allegri ka treguar se Paulo Dybala nuk do të jetë në fushë, ndërsa ai ka kërkuar pikët maksimale nga kjo përballje.

“Dybala me siguri nuk do të jetë në ndeshje. Chiellini është rikuperuar dhe të tjerët janë mjaft mirë”.

“Do të vlerësoj gjendjen e secilit para se të vendos. Marchisio është goxha mirë, po fillon të punojë me skuadrën dhe mund të jetë në dispozicion. Që sot fillon një mini kampionat prej tetë ndeshjesh, kemi tri pikë avantazh dhe duhet ta ruajmë këtë avantazh, e ndoshta edhe ta rrisim”.

“Me Empolin do të jetë një ndeshje e komplikuar, ata nuk kanë asgjë për të humbur. Tani e tutje kemi 5 ndeshje në shtëpi, dhe Napoli nuk do të dorëzohet. Nuk na mbetet gjë tjetër veçse të fitojmë”.

“Këtë të shtunë nuk duhet të gabojmë për sa i përket frymës me të cilën do të futemi në fushë. Motivimi ka shumë rëndësi. Kampionatin e luajmë në shtëpi”, deklaroi Allegri. /Telegrafi/