Aligatori filloi t’i fërshëllejë gruas që lundronte pranë tij

Një situatë e pazakonshme ka shkaktuar interesim të madh në rrjetin social TikTok. Përdoruesi i quajtur @carolescrazylife publikoi një video që deri më tani ka mbledhur më shumë se gjashtë milionë shikime.

Në video, një grua dhe dy shoqet e saj po notojnë poshtë një lumi, secila në dyshekun e vet të fryrë, kur papritmas njëri prej tyre has një aligator të shtrirë i qetë në një pemë.

Ajo përpiqet të largohet nga aligatori, ndërsa shoqja e saj ka panik sepse aligatori ka filluar të fërshëllejë. Përdoruesi që postoi videon më vonë deklaroi në komentet se aligatorët normalisht nuk vijnë në atë lumë dhe ishte takimi i saj i parë i tillë.

@carolescrazylife That just happened! 3 of us besties on the river floating. #florida #ichtuckneesprings #gator #alligator #floridagirls #nature ♬ original sound – Farmgirl

Përdoruesit e TikTok menduan se situata ishte humoristike sepse aligatori nuk dukej sikur po përgatitej për të sulmuar.

“Aligatori thjesht po shijon ditën”, “Imagjinoni si është ndjerë aligatori. Duket sikur ka dashur të pushojë pak”, janë disa nga komentet me humor.

Newsweek deklaroi se aligatorët kanë frikë nga njerëzit dhe zakonisht ikin sapo njerëzit u afrohen. Edhe pse ata rrallë vrapojnë pas njerëzve, në tokë ata mund të arrijnë shpejtësinë 56 kilometra në orë në distanca të shkurtra. /Telegrafi/