Alec Baldwin fshin llogarinë në Twitter, disa ditë pas intervistës së parë që nga tragjedia në xhirimet e filmit “Rust”

Alec Baldwin ka fshirë llogarinë e tij kryesore në Twitter vetëm disa ditë pas intervistës së tij të parë për tragjedinë që ndodhi gjatë xhirimeve të filmit “Rust”.

Gjatë natës, llogaria e verifikuar e Alec Baldwin është hequr nga Twitter dhe është renditur si “kjo llogari nuk ekziston”.

Llogaria tjetër e tij “AlecBaldwin_” mbetet aktive edhe pse nuk është përdorur për më shumë se një vit, ashtu si Instagrami i tij dhe gruas së tij, Hilaria Baldwin.

Baldwin kishte postuar në Twitter më shumë kohët e fundit dhe llogaria u përdor për të postuar deklaratën e tij të parë mbi tragjedinë më 21 tetor.

Baldwin vrau aksidentalisht kinematografinë e “Rust”, Halyna Hutchins, e cila vdiq nga plagët e marra më vonë në spital.

Baldwin e ka fshirë llogarinë disa herë, edhe në të kaluarën, shkruan Deadline.

Kjo lëvizje vjen vetëm tre ditë pas intervistës së parë shumë të ndjekur nga Baldwin për tragjedinë me Stephanopoulos në “Good Morning America”.

Gjatë intervistës emocionale, Baldwin bëri një pretendim shokues se ai “nuk e tërhoqi këmbëzën” e armës që vrau Hutchins dhe tha se “nuk e kishte idenë” se si një plumb i vërtetë hyri në set.

Ai i dha Stefanopulos një përmbledhje të detajuar të afatit kohor të ngjarjeve dhe tha se ishte “shumë e pamundur” që ai të akuzohej penalisht për atë që ndodhi. /Telegrafi/