Al Trade Center me moton ''Bashkimi na bënë të lumtur'' sot dhuroi fondacionin “Linda” për Klinikën Obstetrike – Gjinekologjike, e cila i dedikohet fëmijëve dhe nënave, me qëllim që të investohet në përmirësimin e gjendjes dhe kushteve brenda kësaj klinike.
Gjatë këtij aktiviteti sot përfaqësues të Al Trade Center u mirëpritën nga drejtori i Klinikës, Jakup Ismajli i cili në emër të stafit, pacientëve, nënave falënderoi këtë kompani dhe potencoi se ky fondacion është i qëlluar pasi që ndihma është e nevojshme në këtë repart.
Përfaqësues të Al Trade Center theksuan se me dëshirë të madhe krijuan këtë fondacion pikërisht në vendin ku lind ardhmëria, aty ku fillon jeta.
Si dhuratë për festat e fundvititit kompania ka dorëzuar fondacionin për këtë repart dhe kanë siguruar komodina për shtretër të nënave.
Al Trade Center ka bërë të ditur se ky fondacion i krijuar do të vazhdojë edhe për shumë vite të tjera.
Ndryshe, ky Fondacion u krijua pikërisht më 31 dhjetor të 2018-së. /Telegrafi/
