Aktorja Sarah Paulson, e njohur më së miri për rolin e saj në filmin “American Horror Story”, u nderua me një yll në "Hollywood Walk of Fame" dhe fjalimi më emocional me këtë rast u mbajt nga partnerja e saj prej shumë kohësh, aktorja Holland Taylor.
Ish-ylli i filmit “Two and a Half Men” nuk e mbajti sekret se sa shumë do të thotë Sarah për të.
Holland e përshkroi partneren e saj, me të cilin është në një lidhje që nga viti 2015, në një mënyrë unike.
Sarah dhe Holland
"Sarah, aktorja, është para së gjithash një krijesë e egër në mbretërinë e kafshëve. Me gjak të ngrohtë, instiktive, misterioze", tha Taylor gjatë ceremonisë.
"Asgjë nuk e pengon perceptimin e saj të mprehtë të tipareve të personazhit, habitatit të tyre, cenueshmërisë së tyre, heroizmit të tyre, shëmtisë së tyre, të vërtetave të tyre të tmerrshme, patosit të tyre komik. Ajo përqendrohet në luftën qendrore të historisë, ku shumica prej nesh as nuk jemi të vetëdijshëm për tonat".
Edhe pse 82-vjeçarja bëri shaka se partnerja e saj ishte 'aq e rrezikshme' sa një gjarpër, ajo e përshkroi 50-vjeçaren Sarah si 'aventura që gjithmonë ke dashur të jetë jeta jote'.
"Do të jem përgjithmonë mirënjohëse që gjeti kohë për të qenë këtu sot dhe, më e rëndësishmja, që është një prani kaq e fuqishme në jetën time, që më tregon gjithmonë të vërtetën dhe më do kur nuk është gjithmonë e lehtë", tha në anën tjetër Sarah. /Telegrafi/
Sarah nderohet me yll në "Hollywood Walk of Fame"
