Aktori i serisë ikonike “Vitet 70-ta”, apelon vendimin e gjykatës pas dënimit që mori për përdhunim

Danny Masterson ka apeluar zyrtarisht dënimin e tij ndaj dy akuzave për përdhunimet që kreu në vitin 2003.

Aktori i serialit ikonik “Vitet 70-ta”, u dënua me 30 vjet deri në burgim të përjetshëm në shtator të viti 2023 ndaj këtyre akuzave, shkruan New York Post.

Sipas një dokumenti 246 faqesh nga avokati i tij, Masterson pretendon se gabimet dhe paragjykimet e shumta “shkelën” “të drejtat e tij për konfrontim dhe një gjykim të drejtë”.

Avokati i aktorit, Cliff Gardner, pohoi gjithashtu në një deklaratë se ka dy “të meta themelore” ndaj dënimeve të Masterson.

Së pari, ai pretendoi se gjyqi ishte “i mbushur me vendime të gabuara gjyqësore që shtrembëruan pikëpamjen e jurisë për provat kundër tij”.

Së dyti, Gardner pretendoi se kishte “një sasi mahnitëse provash shfajësuese të cilat nuk iu paraqitën kurrë jurisë”.

Masterson, 48 vjeç, u shpall fajtor për përdhunimin e dy grave në maj të vitit 2023 në një rigjykim pasi juria fillestare nuk ishte në gjendje të merrte një vendim në lidhje me pretendimet e tre akuzuesve. /Telegrafi/