Aktivizoi kamerën aksidentalisht, deputeti kanadez shfaqet lakuriq në takimin përmes Zoom

Një ligjvënës në Kanada ka kërkuar falje pasi ai u shfaq lakuriq në një video të një takimi legjislativ.

Sipas mediave të huaja, përcjell Telegrafi, deputeti Liberal William Amos, 46 vjeç, i cili përfaqëson pjesë të Quebec, u pa plotësisht nudo gjatë takimeve të Dhomës së Komunave, i shoqëruar nga një flamur kanadez dhe Quebec në të dy anët.

Videoja e takimit u transmetua publikisht, por Amos nuk u shfaq në të pasi ai nuk po fliste. Nuk është e qartë se kush arriti të kapë pamjet dhe t’ia dërgojë ato mediave.

So for those wondering, the MP who appeared in his simplest attire is in fact Pontiac Liberal MP William Amos, according to this pic I was sent (compared to a Facebook live of him in his office just yesterday). pic.twitter.com/AtmKAmf8Am

— Christopher Nardi (@ChrisGNardi) April 14, 2021

Amos, i cili është i martuar me dy fëmijë, që atëherë ka kërkuar falje për ‘gabimin fatkeq’.

“Kamera ime u ndez aksidentalisht ndërsa po ndërroja rrobat e mia të punës pasi shkova për një vrapim të lehtë”.

“Unë sinqerisht ju kërkoj falje kolegëve të mi për këtë shpërqendrim të paqëllimtë. Padyshim, ishte një gabim i sinqertë dhe nuk do të ndodhë më”.

Sidoqoftë, pamjet e Amos ka qenë objekt i shumë shakave dhe talljeve nga kolegët e tij. /Telegrafi/