Akademia Dukagjini me nismën "Praktika të suksesshme në mësimdhënie dhe nxënie" po pozicionohet si një nga më të rëndësishme në fushën e arsimit në Kosovë, duke synuar të shndërrohet në një qendër ekselence për zhvillimin profesional të punonjësve arsimorë.
Me një vizion të qartë për promovimin e inovacionit pedagogjik dhe përmirësimin e metodave bashkëkohore të mësimdhënies dhe të nxënit, kjo akademi synon të ndikojë drejtpërdrejt në rritjen e cilësisë së arsimit në vend.
U shpalos nisma "Praktika të suksesshme në mësimdhënie dhe nxënie" nga Akademia Dukagjini www.youtube.com
Profesor Bardhyl Musai gjatë shpalosjes së nismës "Praktika të suksesshme në mësimdhënie dhe nxënie", theksoi rëndësinë e saj duke i dhënë fokus rolit aktiv të mësimdhënësve në procesin e profesionalizimit.
Foto: Ridvan Slivova
“Kjo është një nismë që ka synim të fuqizojë mësimdhënësit. Ata kanë rezultate në punën e tyre, kanë praktika të suksesshme, por shpesh nuk i bëjnë publike. Tani kjo nismë fillon nga vetë pjesëmarrësit të cilët do të prezantojnë përpara kolegëve praktikat e tyre më të mira, përmes një procesi përzgjedhës”.
Ai shtoi se përhapja e praktikave të suksesshme do të kontribuojë dukshëm në rritjen e cilësisë së arsimit në Kosovë.
“Duke masivizuar ekspozimin e këtyre praktikave, ne ndikojmë në përmirësimin e arsimit. Nuk është një lëvizje e thjeshtë, por një lëvizje që fuqizon mësimdhënësit dhe ndërton komunitete profesionale në shkolla”.
Foto: Ridvan Slivova
Sipas profesor Musait, kjo nismë do të jetë e përvitshme dhe do të zgjasë rreth katër deri në pesë muaj çdo vit, duke mbajtur gjallë kreativitetin dhe inovacionin e mësimdhënësve.
Aplikimi për këtë nismë do të jetë i hapur për një muaj, deri më 26.12.2025 në orën 16:00.
Drejtori ekzektutiv i Akademisë Dukagjini, Blerim Muhaxhiri theksoi se kjo akademi vjen si një organizatë jofitimprurëse, e cila ka për mision zhvillimin e arsimit në të gjitha nivelet.
Foto: Ridvan Slivova
“Akademia ka ardhur me idenë, vizionin dhe misionin e saj për zhvillimin e arsimit. Është një organizatë jofitimprurëse që synon trajnime, hulumtime shkencore dhe projekte të ndryshme, duke pasur gjithmonë në fokus mësimdhënësit dhe nxënësit”.
Foto: Ridvan Slivova
Ai theksoi se projekti “Praktika të suksesshme të mësimdhënies dhe të nxënit” do të jetë i përvitshëm, por akademia pritet të zhvillojë edhe projekte të tjera në vitet e ardhshme.
Njëra nga të pranishmet ishte edhe mësimdhënësja Nafije Rexha nga Komuna e Mitrovicës.
Foto: Ridvan Slivova
Ajo shprehu mirënjohjen për këtë iniciativë, të cilën e sheh si një mundësi të rëndësishme për mësimdhënësit.
“Më vjen shumë mirë që Shtëpia Botuese Dukagjini ndërmerr një sfidë kaq pozitive që do të ndikojë shumë në punën e mësimdhënësve. Edhe ata që nuk ishin prezent sot, do të kenë mundësi të bëhen pjesë e praktikave të tilla”.
Foto: Ridvan Slivova
Ajo theksoi se një nismë e tillë kontribuon në arritjen e standardeve të kompetencave sipas Kornizës së Kurrikulës së Kosovës, duke u mbështetur edhe në modele të suksesshme ndërkombëtare, si ato të Finlandës. /Telegrafi/
Foto: Ridvan Slivova
Foto: Ridvan Slivova
Foto: Ridvan Slivova
