Sipas shumë njerëzve, mbretëresha më e bukur në botë, Rania, nga Jordania, ka shumë stil në veshje dhe pa dyshim që asnjëherë nuk e ekzagjeron në paraqitjen e saj

Të gjitha mediat botërore shkruajnë për stilin e saj të fundit, transmeton Telegrafi.

Mbretëresha Rania dhe Mbreti Abdullah II me djalin e tyre Princin Hussein ishin në një udhëtim pune në Shtetet e Bashkuara, dhe me atë rast Mbretëresha e Jordanisë, pas takimit me Zonjën e Parë Amerikane, Jill Biden, u takua me Drejtorin e NASA -s Bill Nelson dhe gruan e tij Grace, e cila i shtroi një drekë solemne për nder të saj.

Për këtë rast solemn, një nga gratë më të bukura në oborrin mbretëror dhe më e stiluara, zgjodhi një këmishë mëndafshi të bardhë me një prerje të pazakontë dhe një fund midi rozë me palosje.

Ajo kishte mbathur këpucë të lehta rozë, ndërsa në dorë mbante një çantë të bardhë.

Sa ju pëlqen ky stilim i Mbretëreshës së Jordanisë?

/Telegrafi/