Astrit Ajdarevic do të rikthehet të luaj në kampionatin suedez.
Mesfushori i Kombëtares së Shqipërisë javë më parë ka shkëputur kontratën me klubin grek AEK.
E ardhmja e tij do të jetë përsëri në kampionatin suedez ku ka luajtur për shumë skuadra më parë.
Skuadra e Djurgarden dhe ajo e Goteborg kanë shprehur interesim për të nënshkruar me mesfushorin shqiptar.
“Jam takuar me Astritin. Të gjithë e dimë se çfarë lojtari është. Jemi takuar pasi është në Suedi dhe të shohim se si do të rrjedhin gjërat”, tha drejtori i klubit suedez Djurgarden.
28-vjeçari ka një karrierë të pasur ndërkombëtare duke luajtur në kampionate shumë të rëndësishme.
Karriera e tij u fillua në klubin suedez Falkenbergs, para se të luante me Liverpoolin, Leicesterin, Herefordin e Charltonin në Angli.
Orebro, Norrkoping e Helsingborg kanë qenë skuadrat tjera të Ajdarevic në Suedi, ndërsa ka luajtur edhe për Standardin në Belgjikë dhe së fundmi AEK-un në Greqi. /Telegrafi/
