“Ai nuk ju flet shumë dhe nuk ju jep shumë besim”, Mathieu tregon përvojën e keqe me Luis Enriquen

Jeremy Mathieu jetoi tre sezone në Barcelonë pasi mbërriti në Camp Nou nga Valencia. Në skuadrën e Barçës ai përkoi me Luis Enriquen, atëherë trajneri i ekipit.

Në një intervistë për Bein Sports France, ish-lojtari francez nuk e la në vend të mirë trajnerin e Paris Saint-Germain, për të cilin nuk ka kujtime të mira.

“Ne do të themi se përvoja jonë ishte një përzierje. Ishte ai që më donte dhe u takuam fshehurazi për të rënë dakord për nënshkrimin”, ka thënë fillimisht Mathiue.

“Ai është një trajner që nuk ju flet shumë dhe nuk ju jep shumë besim. Luaj shumë me besim dhe, ndonjëherë, luaja ndeshje të rëndësishme dhe më pas ai ishte në bankinë. Pra, në fakt, ai kërkonte këtë në vazhdimësi”.

“Kjo është ajo që unë nuk e kuptoja. Por, ai kurrë nuk më shpjegoi pse. Ndoshta ai nuk kishte kohë, nuk e di…” .

Edhe pse ish-lojtari francez ishte një nga pjesët kyçe në dy sezonet e tij të para në Barcelonë, në të tretin pjesëmarrja e tij filloi të bjerë dhe, sipas deklaratave të tij, ai nuk e dinte kurrë arsyen sepse Enrique nuk i tha.

“Ndoshta ai punon kështu. Jo, nuk e di pse, mendoj se kështu funksionon Luis Enrique. Kështu është ai. Një problem në Paris? Ndoshta. A ndryshoi ai mënyrën e tij të të qenit dhe të bërit gjëra më pas? Nuk e di. Kështu ishte për ne te Barça dhe në fund kalova keq”, u ankua francezi për kohën e tij nën Enriquen.

Pavarësisht përvojës së tij të keqe me Enriquen, rekordi i Mathieu në Barça ishte mjaft i mirë. Si lojtar i Barçës ai fitoi La Ligan dy herë, një herë Ligën e Kampionëve, tre herë Kupën e Mbretit, një herë Superkupën e Spanjës, një herë Superkupën e Evropës dhe gjithashtu një Kupën e Botës për Klube.

Pas tre sezonesh në Barcelonë, Mathieu u largua për në Sporting Lisbona, ku luajti për tre sezone, deri në fund të sezonit 2019/20. Më vonë ai u tërhoq nga futbolli profesionist, megjithëse luajti në Francë për Luynes Sports, një ekip rajonal. /Telegrafi/