“Ai e solli virusin në xhirime”, Aktori Miles Teller rezulton pozitiv me COVID-19 pasi refuzoi ta merrte vaksinën – ndërpriten xhirimet e “The Offer”

Ylli i “Whiplash”, Miles Teller, ishte i pavaksinuar dhe refuzoi një test për COVID-19 para se të rezultonte pozitiv në një set të Hollywoodit, duke bërë kështu që t’i ndërprejë xhirimet.

Xhirimet për ‘Paramount Plus Series’, “The Offer”, u mbyllën më 28 korrik pasi një anëtar rezultoi pozitiv për virusin.

Dhe një burim pranë ekipit ekzekutiv për shfaqjen i tha DailyMail se ai ishte Teller, 34 vjeç, dhe se aktori refuzoi të merrte një vaksinë ose të bënte një test të mëparshëm para se të rezultonte pozitiv në set në Los Angeles.

“Miles Teller nuk është i vaksinuar. Ai as nuk dëshironte ta bënte testin”, tha burimi për DailyMail. “Tani ai e solli virusin në grup dhe i gjithë grupi duhej të izolohet”.

Lexo po ashtu Të gjitha lajmet nga Miles Teller

Miles, i cili kishte një rol kryesor në serinë “The Spectacular Now” dhe “The Divergent”, luan në “The Offer”, një shfaqje në lidhje me realizimin e filmit të famshëm “The Godfather”, në vitin 1972, së bashku me Giovanni Ribisi, Collin Hanks, Matthew Goode, Juno Temple dhe Dan Fogler.

Aktori gjithashtu do të luajë në “Top Gun: Maverick”, një vazhdim i filmit klasik të Tom Cruise që është planifikuar të publikohet në nëntor. /Telegrafi/