Agon Gashi – Drejtori Ekzekutiv i Meridian Express dhe SPAR Kosova, merr pjese në Forumin Ekonomik Botëror 2025 në Davos!

Agon Gashi – Drejtori Ekzekutiv i Meridian Express dhe SPAR Kosova si dhe anëtar i programit prestigjioz Young Global Leaders (YGL), po përfaqëson Kosovën në Forumin Ekonomik Botëror 2025, që po mbahet nga data 20 deri më 24 janar në Davos, Zvicër.

Ky event prestigjioz mbledh liderët më të mëdhenj të botës nga fusha e biznesit, politikës dhe shoqërisë civile, për të diskutuar sfidat dhe mundësitë globale.

Tema kryesore e Forumit këtë vit është “Bashkëpunimi për Epokën Inteligjente”, duke vënë theksin te roli transformues i teknologjisë në ekonomi dhe shoqëri.

Programi përfshin pesë prioritete kryesore:

 -Rindërtimi i besimit;

 -Ri-konceptimi i rritjes;

 -Investimi në njerëz;

 -Mbrojtja e planetit;

 -Industritë në epokën inteligjente.

Si pjesë e Young Global Leaders – platformë kjo që bashkon liderët e rinjë më të spikatur nga e gjithë bota, për të nxitur ndryshime pozitive, – Gashi është angazhuar fuqishëm në ndërtimin e partneriteteve globale dhe promovimin e potencialit ekonomik të Kosovës.

Gjatë pjesëmarrjes së tij, Gashi po merr pjesë në diskutimet kryesore për transformimin ekonomik, zhvillimin e qëndrueshëm dhe rolin e inovacionit në ekonomitë e vogla si ajo e Kosovës.

Ai theksoi rëndësinë e ndërtimit të partneriteteve regjionale si dhe globale për të fuqizuar sektorin privat dhe për të krijuar mundësi të reja për vendet në zhvillim. “Pjesëmarrja në Davos është një mundësi e jashtëzakonshme për të promovuar potencialin ekonomik të Kosovës dhe për të ndërtuar ura bashkëpunimi me liderë globalë,” u shpreh Gashi.

Përkushtimi i Gashit për zhvillimin e qëndrueshëm dhe avancimin e inovacionit, po kontribuon në përforcimin e imazhit të Kosovës si një vend me potencial të madh për investime dhe zhvillim.