Nënkryetari i AKR-së, Agim Bahtiri, ka dhënë dorëheqje nga AKR.

Bahtiri këtë e kishte paralajmëruar ditë më parë, nëse nuk ka bashkërendim me VV-në në koalicion parazgjedhor, do të largohej nga ky subjekt politik.

Telegrafi mëson se dorëheqja e tij ka ardhur për shkak të pakënaqësive qe AKR nuk do të bashkëpunojë më VV-në por me një koalicion të mundshëm me AAK-në.

Ndërkaq për këtë Sekretari i Përgjithshëm i AKR-së, Vesel Makolli në një prononcim për Telegrafin ka thënë se nuk janë në dijeni për deklaratën e nënkryetarit të Aleancës Kosova e Re, Agim Bahtiri, i cili ka thënë se më nuk është pjesë e partisë së Behgjet Pacollit.

Makolli deklaratën e Bahtirit e quajti të papërgjegjshme, ku sipas tij nuk është hera e parë që Bahtiri jep deklarata të tilla.

“De fakto ai është njeriu i dytë në parti. Tash që po deklarohet nëpër portale në këtë mënyrë është e pakuptimtë, prandaj ne nuk jemi në dijeni. Ai edhe përpara është manipuluar me këto deklarata nëpër portale dhe nuk ka ndodh ashtu. Dhe mendoj që është e njëjta gjë. Deklarata të papërgjegjshme nuk është mirë të jepen, sidomos për një lider pasi është dhe kryetar i një komune. Brenda dy viteve Bahtiri i ka dhënë 4 ose 5 deklarata të tilla. Nuk kemi nevojë për promovime elektorale”, ka thënë Makolli.

Bahtiri kërkon koalicion AKR-Vetëvendosje, përndryshe paralajmëron zhvillime të papritura në parti Bahtiri kërkon koalicion AKR-Vetëvendosje, përndryshe paralajmëron zhvillime të papritura në parti

Ndryshe, Agim Bahtiri ditë më parë  në emisionin “Zyra e Ankesave”, në RTV Dukagjini pas dorëheqjes së Ramush Haradinaj nga posti i kryeministrit pati thënë që kërkon një koalicion AKR-Vetëvendosje.

“Unë jam në AKR dhe jam i fuqishëm në AKR, po shpresoj që do të lëvizim më përpara në drejtim të bashkërenditjes të një force politike që ne jemi duke hulumtuar, po shpresoj që përsëri do të jemi në qeverisje por jo në këtë qeverisje, që prej fillimit kam qenë kundër saj. Do të bëjmë një qeverisje ndryshe, e cila besoj do të jetë në të mirën e qytetarëve të Kosovës. Kërkoj koalicion AKR-VV, jam i bindur që do të më dëgjojnë të gjithë, përndryshe unë do të marrë një pjesë të AKR-së, dhe do të lëvizi në këtë drejtim”, ka thënë Bahtiri. /Telegrafi/