LAJMI I FUNDIT:

Gati një muaj nga fillimi i vitit të ri shkollor, Jasharaj thotë se ende ka nxënës pa tekste shkollore

Gati një muaj nga fillimi i vitit të ri shkollor, Jasharaj thotë se ende ka nxënës pa tekste shkollore

Përkundër se viti ri shkollor 2023/24 ka nisur më 1 shtator ka ende nxënës që po vazhdojnë të ballafaqohen me mungesë të teksteve shkollore.

Kryetari i Sindikatës së Bashkuar të Arsimit, Shkencës dhe Teknologjisë, Rrahman Jasharaj në një deklaratë të dhënë për Telegrafin, ka thënë se ka disa lëvizje pozitive lidhur me furnizim të teksteve shkollore, por që ende ka nxënës që nuk janë pajisur me tekste.

“Kemi informacione dhe komunikojmë me kryetarët e sindikatave komunale dhe nga raportet që kemi ka një ndryshim pozitiv rreth furnizimit me tekste shkollore, por, fatkeqësisht duhet pranuar që edhe pse e kemi kaluar javën e tretë të mësimit të shtatorit ende ka shifra që flasin që një pjesë e nxënësve nuk janë furnizuar ende me tekste shkollore….”, ka thënë ai.

Siç tha Jasharaj, shumë prindër edhe nuk mund të dalin për blerjen e teksteve, pasi që punojnë në sektorin privat.

“Kjo varet edhe nga përbërja e shkollave dhe nga angazhimi, ku dihet se një pjesë e madhe e familjeve në Kosovë janë në gjendje kogja të vështirë ekonomike. Prindërit janë në sektorin privat dhe ata nuk mund të humbin ditë pune sepse nuk i lejojnë për të shkuar dy tri herë në librari, dhe kjo ka ndikuar që ta kemi një shtator të vështirë me mungesë të teksteve shkollore”, theksoi ai.

Jasharaj tha se problem i veçantë është po ashtu me klasat 6 deri në 9, pasi që librat e këtyre klasave janë shumë të dëmtuara.

“Problem i veçantë është edhe te klasat e 6-9, pasi që tekstet që po i përdorin nxënësit tanë në këtë vit shkollor janë nga viti i kaluar shkollor dhe janë kogja të dëmtuara, e veçmas fletoret e punës… Ka problem ky vit shkollor, kjo ka ndodhur nga vendimi i gabuar i Ministrisë së Arsimit”, pohoi ai.

Kreu i SBASHK-ut, shpreson që MASHT-i ta ketë parë që ka gabuar me vendim, dhe që një veprim të tillë lidhur me furnizimet e teksteve shkollore mos ta përsërisë në vitin e ardhshëm shkollor.

“Do të ishte mirë që vitin e ardhshëm shkollor të kemi tekste të reja shkollore nga 1 deri në klasën e 9. Jemi pa digjitalizim të shkollave, ende kemi raste të theksuara që  vijnë në klasa pa tekste. Kemi bërë apel që mësimdhënësit të mos i largojnë nxënësit nga klasa”, tha ndër tjera ai.

Ndryshe, këtë vit, Ministria e Arsimit, Shkencës dhe Teknologjisë kishte vendosur që mjetet për blerjen e teksteve shkollore t’u dërgohen prindërve.

Vendimi i MASHT-it kishte nxitur reagime të shumta, ndërkaq në shumë librari në Kosovë u krijuan radhë të gjata të qytetarëve. /Telegrafi/


Në trend Lajme

Më shumë
Një shtetase e huaj gjendet e vdekur në magjistralen Ferizaj – Prishtinë

Një shtetase e huaj gjendet e vdekur në magjistralen Ferizaj – Prishtinë

Kronika e Zezë
Vdekja e 4-vjeçares nga Gjakova, reagimet e organizatave, Avokatit të Popullit e ministrit të Shëndetësisë – por, çfarë thonë nga Spitali i Gjakovës e çka nga SHSKUK-ja?

Vdekja e 4-vjeçares nga Gjakova, reagimet e organizatave, Avokatit të Popullit e ministrit të Shëndetësisë – por, çfarë thonë nga Spitali i Gjakovës e çka nga SHSKUK-ja?

Lajme
Deputeti i PDK-së i ashpër me Kurtin, Kastrati: Është komunist i rrezikshëm, ka lexuar literaturë antiamerikane

Deputeti i PDK-së i ashpër me Kurtin, Kastrati: Është komunist i rrezikshëm, ka lexuar literaturë antiamerikane

Politikë
Hoxha deputetëve të PDK-së: Pse merreni me Kurtin kur s’keni kapacitet në vendimet e tij

Hoxha deputetëve të PDK-së: Pse merreni me Kurtin kur s’keni kapacitet në vendimet e tij

Politikë
Pranverë në dimër, temperaturat deri në 15 gradë

Pranverë në dimër, temperaturat deri në 15 gradë

Lajme
Gjykata refuzon padinë e Xhafer Tahirit, i cili kërkonte 931 mijë euro dëmshpërblim nga Ferit Idrizi

Gjykata refuzon padinë e Xhafer Tahirit, i cili kërkonte 931 mijë euro dëmshpërblim nga Ferit Idrizi

Drejtësi
Kalo në kategori