Afro 50 milionë njerëz në të gjithë botën kanë parë intervistën e Princit Harry dhe Meghan Markle

Gati 50 milionë njerëz në të gjithë botën kanë shikuar intervistën e bujshme të Harry dhe Meghan Markle me Oprah Winfrey duke përfshirë 18 milionë në Shtetet e Bashkuara të Amerikës, sipas CBS.

Audienca globale për intervistën, e cila u transmetua të dielën, është e sigurt që do të rritet edhe më tej falë platformave dhe një përsëritje që do i bëhet të premten.

Në SHBA në bazë të CBS, intervista deri më tani ka marrë vlerësimin më të lartë që nga ceremonia e ‘Oscars’ në shkurt të vitit 2020.

Gjithashtu është licencuar në më shumë se 80 vende të tjera, përfshirë Britaninë, ku u transmetua në ITV të hënën në mbrëmje dhe u shikua nga më shumë se 13 milionë.

Vlerësimet e Nielsen të Amerikës e vendosin numrin e shikuesve të SHBA-së në 17.8 milionë, ndërsa ITV tha se u pa nga 13.3 milionë njerëz në Britani.

Lexo po ashtu Mbretëresha Elizabeth II thuhet se është ‘e shkatërruar’ pas intervistës së Harryt dhe Meghan Markle

Intervista e shumë pritur ka hedhur në krizë monarkinë britanike pasi Meghan pretendoi racizëm pas dyerve të pallatit dhe tha se ishte shtyrë të mendonte për vetëvrasje nga streset e jetës mbretërore.

Harry gjithashtu foli sinqerisht për tensionet në marrëdhënien e tij me të atin, Princin Charles dhe të vëllanë, Princin William.

Mbretëresha Elizabeth II në anën tjetër thuhet se është ‘e shkatërruar’ pas deklaratave të çiftit.

Suksesi ka të ngjarë të mbështesë rastin e televizionit që është ende një forcë e fuqishme për shfaqjen e ngjarjeve të mëdha. /Telegrafi/