Afër njëvjetorit të vdekjes tragjike të vajzës, Lauren Goodger: E meritoj të jem e lumtur sërish, dua një tjetër fëmijë

Lauren Goodger ka zbuluar se dëshiron të gjejë sërish dashurinë dhe të ketë një fëmijë tjetër.

Ylli i “TOWIE”, 36 vjeçare, është përballur me tragjedi të pakonceptueshme në jetën e saj dhe të shtunën do të shënojë përvjetorin e parë të vdekjes së vajzës së saj, Lorena.

Lauren lindi fëmijën e saj të dytë më 8 korrik të vitit të kaluar, por kordoni i saj i kërthizës u mbështjellë rreth qafës dhe ajo vdiq tragjikisht.

Duke folur për revistën new!, Lauren rrëfeu se nuk ka hequr dorë nga ëndrra e saj për të zgjeruar familjen dhe thekson se i mungon një partner në jetë.

Lexo po ashtu Lauren Goodger sqaron thashethemet për ribashkimin me Charles Drury: Jam beqare

Ylli televiziv ndan vajzën Larose, 12 muajshe, me ish të dashurin Charles Drury dhe rrëfeu se është ‘rraskapitëse’ bashkë-prindërimi i vajzës së tyre.

Lauren rrëfeu: “Do të doja të isha në një marrëdhënie të lumtur – e meritoj këtë. Dua një fëmijë tjetër, dua të jem e dashuruar, dua të jem sërish e lumtur”.

“Më mungon kjo. Më mungon vërtet një burrë në jetën time – gjithmonë kam pasur të dashur sepse marrëdhëniet e mia kanë me të vërtet ulje e ngritje”.

Lauren së fundmi iu dha fund thashethemeve se ajo është kthyer së bashku me të dashurin e saj, Charles dhe konfirmoi se është beqare.

Në një intervistë të re, prezantuesja adresoi spekulimet pasi ish-çifti u fotografuan së bashku në shumë raste. /Telegrafi/