Një aeroplan i Air China që u nis nga Parisi për në Pekin të Kinës, është detyruar të kthehet, si pasojë e një ‘informacioni terrorist’.

Kompania ajrore ka bërë të ditur përmes një deklarate, se fluturimi CA876 ka bërë një veprim parandalues dhe është rikthyer në kryeqytetin e Francës, transmeton Telegrafi.

“Aterrimi është kryer me sukses dhe askush nuk është lënduar. Së shpejti, do të organizohet një tjetër fluturim për në Kinë” thuhet në njoftimin e kompanisë, ku nuk bëhen të ditura detajet.

Raportohet se piloti që po e drejtonte, ka lëshuar një sinjal të pazakontë, që nuk iu ka tingëlluar mirë kujdestarëve në Kontrollin e Trafikut Ajror, të cilët kërkuan që aeroplani të kthehet menjëherë.

Kur Boeing 787-9 Dreamliner ndaloi në pistë dhe udhëtarët dolën, brenda kanë hyrë njësitet speciale që kryen kontrollet me qentë nuhatës. /Telegrafi/