Adrola dhe Xhesika ndjekin sërish njëra-tjetrën në rrjetet sociale

Edhe pse prej kohesh kishin një shoqëri për të pasur zili, Adrola Dushi dhe Xhesika Berberi e ndërprenë për disa kohë miqësinë e tyre. 

Dyshja shihej shpesh në shoqërinë e njëra-tjetrës sidomos me anë të postimeve në rrjete sociale. Në intervistat televizive dyshja tregonin gjithnjë shumë respekt dhe vlerësim për shoqërinë që kishin krijuar ndër vite.

Kohët e fundit, ndjekësit vunë re që shoqëria midis Adrolës dhe Xhesikës kishte pësuar një krisje edhe pse kjo e fundit mohoi gjithçka dhe tregoi se kjo s’do të ndodhte kurrë.

“Unë dhe Adrola nuk jemi zënë dhe s’ka për të ndodhur kurrë. Jemi në zemrat e njëra-tjetrës”, ishte shprehur Berberi.

Mirëpo, fakti që vajzat nuk e ndiqnin më njëra-tjetrën në rrjetet sociale hapi shumë diskutim. Për më tepër Adrola bëri një status thumbues, që u interpretua si mesazh për Xhesikën, transmeton Top Channel.

Sidoqoftë, së fundmi është vënë re që dyshja ka nisur përsëri të ndiqen në rrjetet sociale, por mbetet për t’u parë nëse shoqëria e tyre do të kthehet si dikur.