Adoleshentët e moshës 16 dhe 17 vjeç kanë gati katër herë më shumë gjasa të zhvillojnë një varësi nga kanabisi sesa të rriturit, zbulojnë shkencëtarët

16 dhe 17 vjeçarët kanë tre herë e gjysmë më shumë gjasa të zhvillojnë një varësi nga kanabisi sesa të rriturit, kanë zbuluar studiuesit.
Shkencëtarët në King’s College në Londër u bënë thirrje prindërve që të ‘dekurajojnë në mënyrë proaktive’ adoleshentët e tyre nga pirja e kanabisit.
Ata thanë se të rinjtë ishin në rrezik më të madh për t’u bërë të varur, sepse truri i tyre ishte ende në zhvillim dhe ata kishin një ‘ndjenjë në zhvillim’ të identitetit, shkruan Daily Mail.
Mosha ligjore për blerjen e kanabisit në SHBA është 21 vjeç dhe zbatohet vetëm në shtetet ku është e ligjshme. Në studimin – botuar në Journal of Psychopharmacology – shkencëtarët monitoruan 274 njerëz që përdornin kanabis rreth katër herë në javë.
Mostra përfshinte 76 të rinj të moshës 16 deri në 17 vjeç dhe 71 persona të moshës 26 deri në 29 vjeç që përdornin kanabisin. Gjatë tre muajve që u ndoqën, pjesëmarrësit plotësuan pyetësorët se sa shpesh pinin kanabis dhe nëse kishin ndonjë simptomë të problemeve të shëndetit mendor.
Studiuesit zbuluan se adoleshentët që pinin kanabis kishin tre herë e gjysmë më shumë gjasa për të qenë të varur sesa të rriturit. ‘Çrregullimi i përdorimit të kanabisit’ përkufizohet nga simptomat duke përfshirë dëshirën për drogën, përdorimin e saj që çon në dështime në shkollë ose në punë, rritje të tolerancës dhe probleme ndërpersonale të shkaktuara nga përdorimi i saj.
Gjysma e adoleshentëve të anketuar (38 persona) kishin gjashtë ose më shumë simptoma të kësaj gjendjeje, duke i vendosur ata në kategorinë e varësisë. Për krahasim, në mesin e të rriturve kjo ishte më pak se një e katërta (13 persona).
Dr. William Lawn, një ekspert i varësisë që udhëhoqi studimin, tha: “Duke pasur parasysh se adoleshentët janë në një rrezik më të madh për të përjetuar vështirësi me shëndetin mendor sesa të rriturit, ata duhet të dekurajohen në mënyrë proaktive nga përdorimi i rregullt i kanabisit”.
“Varësia ndaj kanabisit është një problem i vërtetë për të cilën adoleshentët duhet të jenë të vetëdijshëm, pasi ata duket se janë shumë më të prekshëm ndaj tij sesa të rriturit”.
“Ndikimi që ka përdorimi i kanabisit gjatë adoleshencës në performancën njohëse ose në depresion dhe ankth mund të jetë më i dobët se sa supozohet. Por ne kemi përsëritur gjithashtu punën e mëparshme që nëse dikush bëhet i varur nga kanabisi, kjo mund të rrisë ashpërsinë e simptomave nënklinike të shëndetit mendor”.
Adoleshentët mund të jenë më të prekshëm ndaj varësisë ndaj kanabisit sepse truri i tyre është më pak i zhvilluar, sugjeruan studiuesit. Mund të jetë gjithashtu për shkak se ata kanë ende një ‘ndjenjë identiteti në zhvillim’ dhe një jetë sociale ‘më të lakueshme’. /Telegrafi/
Promo
Reklamo këtuLufta Prigozhin - Putin
Më shumëNga Rubrika

Mos bëni panik: Kështu mund ta nxirrni halën e peshkut e cila ju ka ngecur në fyt!

Cila është koha më e mirë për të marrë vitaminën C shtesë?

Stop rrezikut nga helmimi me ushqim: Sa gjatë duhet të piqni mishin në mënyrë që të jetë e përgatitur në mënyrë të përshtatshme

104.5m² komfort – Banesë luksoze me pamje tërheqëse për zyret e juaja

Investoni në të ardhmen tuaj – bli banesë në ‘Arbëri’ tani! ID-140

Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254

Ideale për zyre – në qendër të Prishtinës lëshohet banesa me qira ID-253

Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123

A do të shihemi në Balkan eCommerce Summit 2025?

Ekskluzivisht në Telegrafi Deals – Nike REAX nga 101€ në 79.95€!

Çfarë do të thotë DeepSeek AI për marrëdhëniet e SHBA me Kinën?

Çdo fëmijë e don një xhaketë të re për vit të ri!

25% zbritje në çizmet Adidas Terrex? Zgjate dorën!
Më të lexuarat

Pyetet për Xhenetën, Gjesti: Nuk do t’ia ktheja me të keq siç më ka bërë mua, por nuk do të doja që të hynte në shtëpi

Harta e paparë që premtonte të sillte paqe në Lindjen e Mesme

Takimi Trump-Macron, presidenti francez korrigjon deklaratën e homologut amerikan

Ish komandanti i UÇK-së, Ismet Tara, reagon pas deklarimit në Hagë

E konfirmojnë nga Google, nuk ka më verifikim me SMS për Gmail – zëvendësohet me kodin QR

Krisa reagon pas deklaratës së Tirit se i pëlqen një vajzë në Big Brother VIP Albania