Abazoviq: Nuk e kam kërcënuar me arrestim Gjukanoviqin

Kryeministri i Malit të Zi, Dritan Abazoviq tha sot se nuk i shkon mendja të shantazhojë askënd dhe as të mbrojë dikë.

Sidomos, siç ka thënë Abazoviq, nëse ai personin ka shkelur ligjin, raportojnë mediat malazeze.

Abazoviq e tha këtë në parlament gjatë “orarit të kryeministrit” në përgjigje të pyetjes së deputetit të Frontit Demokratik, Milan Knezeviq “nëse është e vërtetë se ai e kërcënoi presidentin Milo Gjukanoviq me arrest” nëse DPS anulon mbështetjen për qeverinë malazeze.

Lexo po ashtu Nuk bie qeveria e Malit të Zi - Abazoviq dhe Gjukanoviq tejkalojnë mosmarrëveshjet

“A është e vërtetë dhe a përmendët ndonjë aplikacion Sky në rastin e presidentit Gjukanoviq”, pyeti Knezheviq.

Duke iu përgjigjur Knezeviqit, Abazoviq kujtoi se ai e mirëpret kërcënimin e DPS-së me votën e mosbesimit ndaj qeverisë dhe shtoi se ai nuk duhet të jetë “fundi i botës”.

“Le të marrin qëndrimin e tyre dhe të udhëheqin politikën, kjo është e drejta e tyre”, tha Abazoviq.

Kryeministri theksoi gjithashtu se shpallja e zgjedhjeve të jashtëzakonshme parlamentare gjithashtu nuk përbën problem.

Ndryshe, Gjukanoviq dhe Abazoviq gjatë ditës së djeshme janë takuar dhe kanë tejkaluar mosmarrëveshjet rreth bashkëqeverisjes. /Telegrafi/