A thua, lëkura juaj është nën stres?

Në moshë të re, vajzat ndodh shpesh të kenë probleme me lëkurë, me shfaqjen e miteserëve, me skuqje, me lëkurë të thatë ... Ju ndihmojmë, prandaj, si tij zbuloni shkaqet dhe si ta ndreqni dëmin e bërë.

Çfarë ndodh
Të gjitha aknet në fytyrë duken njësoj, porse të gjitha nuk janë krijuar në të njëjtën mënyrë. Ato që shkaktojnë tajitjen e tepërt të yndyrës, do të shfaqen dhe mund të humbin brenda disa orëve. Por, çfarë të bëhet me ato që me ditë të tëra ju bëhen ‘therrë në sy’? Kur të jeni në fuqi të plotë, trupi juaj prodhon qeliza të cilat luftojnë me bakteret dhe viruset dhe nuk lejojnë që ta sulmojnë lëkurën tuaj. Prandaj, sasia e madhe e stresit dhe ulja e imunitetit ndikojnë dëmshëm në lëkurë. Prandaj, puçrra do të mbetet në lëkurë disa ditë ose, ndoshta, edhe disa muaj jeni përmbajtur të gjitha rregullave për mirëmbajtjen e lëkurës, rregullisht i keni bërë trajtimet kozmetike, keni harxhuar të holla për kremra të mira, mirëpo edhe më tej keni telashe me lëkurë problematike.

Keni të drejtë të pyeteni: pse? Hulumtimet më të reja tregojnë se niveli i lartë i kortizolit – hormon i stresit, mund të jetë shkaktar për probleme të shumta dermatologjike. Kur jeni të tensionuara, trupi juaj prodhon hormone, ndërsa pasojat katastrofike nuk mund të fshihen, sepse shfaqen pikërisht atje ku shihen më së shumti, në lëkurë, e cila merr pamje të përhitur, të pajetë dhe pa shkëlqim. Për fat, psikodermatologët (dermatologët të cilët për zgjidhjen e problemit të lëkurës nisen nga psikologjia), kanë zgjidhje. Ja disa këshilla që ndoshta është koha t’i përvetësoni.

Miteserët
Që moti keni mësuar leksionin e parë të bukurisë se ‘pastërtia është gjysma e bukurisë’, porse ‘sulmet’ monotone nuk pushojnë së rrënuari bukurinë e tenit tuaj.

Zgjidhja mentale
Besoni ose jo, shëtitja në natyrë dhe shoqërimi me miq mund të jenë me shumë dobi për lëkurën tuaj. Tingëllon pabesueshëm, porse shkencëtarët këtë e sqarojnë kështu: Çdoherë kur ndiejmë kënaqësi, trupi ynë liron endorfinën, hormon ky i lumturisë, që është edhe arma më e mirë natyrale kundër stresit, përfundojnë psikodermatologët dhe propozojnë që nga të gjitha ritualet çdoditore, më e mira është terapia antistresuese, përdorimi i preparateve kundër akneve, po kështu, është trajtim i cili do t’ju sjellë kënaqësi të shumëfishtë – i eliminon sulmet e mërzitshme dhe ju ndihmon që të çliroheni. Filloni me mjetin për pastrim të lëkurës së fytyrës, pas të cilit përdoret kremi, duke bërë lëvizje të lehta rrethore, kjo është terapi e shkëlqyer kundër stresit.

Zgjidhja e bukurisë
Preparatet që përmbajnë thartirën salicine janë armë e fuqishme në luftë kundër akneve dhe puçrrave. Në mëngjes dhe në mbrëmje pastrojeni fytyrën me losion që përmban këtë përbërje dhe përdoreni kremin me të njëjtën substancë. /Telegrafi/