Aktakuzë për shitblerje të narkotikëve – Policia njofton se çfarë gjeti në banesën e të dyshuarit në Prizren

Prokuroria Themelore në Prizren, Departamenti i Krimeve të Rënda, ka ngritur aktakuzë kundër të pandehurit K.T., për shkak të dyshimit të bazuar mirë se ka kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Në njoftimin për media bëhet e ditur se sipas aktakuzës, i akuzuari K.T., përgjatë periudhës kohore tetor – nëntor 2024, në kohë të pacaktuar në Prizren, pa autorizim shpërndanë dhe shet substancë psikotrope të llojit Mariuhanë në sasi të mëdha, të cilat janë shpallur me ligj si narkotikë.

Tutje thuhet se pas një kontrolli nga ana e policisë në banesën e tij më datë 11.11.2024, rreth orës 11:40 min, në Prizren, i janë gjetur:

18 qese najloni të përgatitura për shitje me substancë narkotike të llojit mariuhanë me peshë 32.62 gram,

1 foli alumini me substancë narkotike e llojit marihuanë me peshë prej 3.02 gram,

Substancë narkotike e llojit marihuanë me peshë prej 1.58 gram,

1 kavanoz qelqi brenda së cilës gjendej substanca narkotike e llojit marihuanë me peshë 1.32 gram,

1 qese najloni me substancë e llojit marihuanë me peshë 45.52 gram,

1 kavanoz qelqi brenda me substancën narkotike e llojit marihuanë me peshë 49.74 gram,

Substancë e llojit marihuanë në peshë prej 1.41 gram,

15 qese të vogla paketimi dhe 12 të mëdha,

1 rrole me foli alumini,

1 peshore digjitale me mbishkrim CONSTANT,

Qese najloni për paketime, si dhe 6×10 €.

Prokurori i çështjes me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, i pandehuri i lartcekur për veprën penale për të cilën akuzohet të shpallet fajtor dhe të dënohet sipas ligjit. /Telegrafi/