Tetë klube të Ligue 1 pranë falimentimit – një nga to luan në Ligën e Kampionëve

Jo më pak se tetë klube në elitën e futbollit francez raportohet se janë në rrezik serioz që të shpallin falimentimin para fillimit të sezonit, sipas raportimeve të fundit.

Sezoni i ri në Francë do të nis më datë 16 gusht, por deri më tani nuk ka pasur asnjë marrëveshje në lidhje me transmetuesin e ri të ndeshjeve.

Më herët, kryetari i Ligës Profesionale të Futbollit (LFP) në Francë, Vincent Labrune, raportohej se po kërkonte rreth 1 miliardë euro në sezon.

Bisedime me kompani të ndryshme u zhvilluan por The Athletic raportoi në tetor se nuk kishte asnjë ofertë të vetme për transmetimin e ndeshjeve gjatë ciklit pesë vjeçar mes 2025 dhe 2029.

DAZN dhe beIN Sports u llogaritën si kompani të mundshme, por ato nuk arritën të gjejnë një marrëveshje me LFP-në.

Në vend të kësaj, LFP-ja u raportua në Francë se po konsideronte mundësinë që të bashkonte forcat me Bouygues, SFR dhe Orange për të krijuar një kanal të ri televiziv.

Çmimi i të drejtave thuhet se do të përgjysmohej por deri më tani nuk ka pasur ndonjë lëvizje në këtë drejtim.

Kylian Mbappe ndoqi hapat e Neymar dhe Messit për t’u larguar nga liga dhe mungesa e të drejtave tashmë po ka një ndikim direkt në klubet e Ligue 1.

Sipas L’Equipe, Auxerre, Lens, Nantes, Stade Reims, Montpellier, Brest, La Havre dhe Angers janë në rrezik të falimentimit për shkak të mungesës së fondeve.

Situata sa i përket të drejtave ka qenë një temë e komplikuar, duke filluar që nga shitja e tyre tek transmetuesi spanjoll Mediapro në vitin 2018./Telegrafi/

Según @lequipe, ocho equipos de la Ligue 1 acarrean el riesgo de declararse en quiebra al no haber acuerdo por los derechos televisivos para las próximas cinco temporadas:

-Auxerre
-Lens
-Nantes
-Stade Reims
-Montpellier
-Brest
-Le Havre
-Angers. pic.twitter.com/OnKCc0BaiT

— Andrés Onrubia Ramos (@AndiOnrubia) July 7, 2024