ADS-TEC Energy prezanton karikuesit e shpejtë të bazuar në NACS dhe CCS1

ADS-TEC Energy është një nga prodhuesit më të fundit të pajisjeve të karikimit të veturave elektrike që njoftoi shtimin e opsionit të lidhësit të karikimit të North American Charging Standard (NACS) në Amerikën e Veriut.

Kompania me bazë në Gjermani, këtë javë konfirmoi se do të mbështesë të dy konektorët e karikimit të Combined Charging System (CCS1) dhe NACS në rajonin në fjalë. Kjo nuk është befasi, pasi që lista e prodhuesve të veturave elektrike, rrjeteve të karikimit, dhe prodhuesve të karikuesve që e mbështesin NACS-në vetëm shkon duke u zgjeruar çdo ditë e më shumë.

Thomas Speidel, drejtor ekzekutiv i ADS-TEC Energy deklaroi: “Sido që të duket një standard i së ardhmes në SHBA, ne mund të gjejmë dhe zhvillojmë zgjidhje për të. Duke u bazuar në zhvillimin tonë të thellë, ne jemi në gjendje të ndërmarrim veprim dhe të vazhdojmë të ofrojmë zgjidhje për veturat me konektorin NACS”, raporton InsideEVs, përcjell Telegrafi.

Gjëja kryesore në periudhën e tranzicionit nga CCS1 në NACS është të ofrohen të dy llojet e prizave, kështu që asnjë veturë elektrike nuk do të mbetet pas, pa një opsion karikimi. Këtu mund të jenë të dobishëm karikuesit me dy koka të ADS-TEC Energy (me dy priza për njësi).

Oferta e ADS-TEC përfshin karikues të shpejtë të bazuar në bateri ChargeBox, të cilët janë projektuar për zonat e brendshme të qyteteve si dhe për zonat rurale, ku lidhja me rrjetin është e kufizuar nga energjia.

Kapaciteti i baterisë është 140kWh dhe mund të mbështesë pikën e karikimit brenda një distance deri në mbi 100 metra.

Fuqia e prodhimit është deri në 320kW – duke supozuar të paktën 110kW fuqi hyrëse nga rrjeti – kur karikoni një veturë të vetme, ose 2 herë nga 160kW, kur dy vetura ngarkohen njëkohësisht. Sipas faqes së internetit të kompanisë, më shumë se 450 ChargeBox u janë dorëzuar klientëve deri më tani. /Telegrafi/