ISS mbështet propozimin e aksionarëve të Toyota për zbulimin e detajeve të marrëveshjes mbi klimën

Këshilltari përfaqësues i Shërbimeve Institucionale të Aksionarëve (ISS) ka rekomanduar që aksionarët e Toyota Motor të votojnë në favor të një rezolute që i kërkon prodhuesit të automjeteve të përmirësojë zbulimin e lobimit të tij në lidhje me ndryshimet klimatike.

Rekomandimi vjen pasi kompania më e madhe japoneze për nga kapitalizimi i tregut përballet me presionin nga investitorët e gjelbër dhe aktivistët e klimës, të cilët e kanë kritikuar atë se është më e ngadaltë se rivalët për të përqafuar veturat elektrike me bateri.

ISS në një raport gjithashtu kishte deklaruar se i konsideronte tre nga katër kandidatët e jashtëm të bordit të Toyota-s si jo vërtet të pavarur, teksa Reuters raporton se kishin bërë kërkesë për një koment mbi rastin, por se askush nga Toyota nuk ishte përgjigjur, transmeton Telegrafi.

Të shqetësuar se Toyota po humbet fitimin nga rritja e shitjeve të veturave elektrike, fondi danez i pensioneve AkademikerPension, Storebrand Asset Management i Norvegjisë dhe investitori holandez i pensioneve APG Asset Management duan që Toyota të angazhohet për një rishikim gjithëpërfshirës vjetor të lobimit të lidhur me klimën.

Bordi i Toyota tha se rrjedhshmëria e një zbulimi të tillë e bëri propozimin të papërshtatshëm për t’u përfshirë në nenet e inkorporimit. Një zëdhënës më parë kishte thënë se pak firma në mbarë botën kanë bërë zbulime në lidhje me angazhimin e tyre ndaj politikave klimatike në masën e Toyota-s.

“Toyota nuk ofron informacion të mjaftueshëm për aksionarët e saj për vlerësimin e aktiviteteve të lobimit”, thanë nga ISS. “Aksionarët do të përfitonin nga zbulimi i informacionit nga kompania në lidhje me lobimin e drejtpërdrejtë dhe të tërthortë në rajonet e ndryshme ku ajo operon”, shtuan ata. /Telegrafi/