Xherdan Shaqiri me intervistë emocionale për Guardian – flet për luftën në Kosovë dhe karriera e tij në futboll

Xherdan Shaqiri ka dhënë një intervistë të detajuar për karrierën e tij në The Guardian.

Mediumi britanik ka pyetur anësori për të kaluarën e tij, rrënjët e tij dhe atë që ka kaluar që nga fëmijëria, deri në situatën aktuale te Chicago Fire.

Një kujtim ndoshta i një rrugëtimi të gjatë që filloi në Gjilan. Pas ditëlindjes së tij të parë, familja e tij mori vendimin për t’u shpërngulur në Zvicër. Lufta kishte filluar dhe situata e atëhershme nuk ofronte siguri për familjen e tij.

Lexo po ashtu Ku kanë lindur fituesit e Ligës Premier: Kosova nderohet nga Xherdan Shaqiri

“Nëse ndryshon shtetin, do të shkosh në një vend ku nuk njeh askënd”, kështu e nisë rrëfimin Shaqiri për The Guardian. “Unë nuk vija nga një familje e pasur. Prindërit e mi punuan shumë. Nuk kaluam kohën më të mirë. Por, ndonjëherë kjo të bën më të fortë”.

Ata u vendosën në shtëpi në Augst të Zvicërs në vitin 1992. Babai i tij gjeti punë si punëtor krahu. Nëna e tij pastronte ndërtesa. Paratë ishin të pakta pasi familja dërgoi aq sa mundi te anëtarët e familjes që lanë pas në Kosovë. Shaqiri thotë për mediumin britanik se ishte i vetmi i huaj në shkollën e tij. Dhe futbolli ishte streha e tij.

“Në sport, ju keni gjithmonë një shans për të shpëtuar nga këto lloj gjërash. Të rritesh si person, të jesh konkurrues, të mësosh kultura të reja”, potencon më tej anësori.

Talenti i Shaqirit tërhoqi vëmendjen e skautëve të skuadrës zvicerane, Basel. Në sezonin e tij të parë të plotë pasi u kthye në profesionist, ai ndihmoi skuadrën të fitonte tre tituj të dhe dy Kupa të Zvicrës në vetëm tre vjet. Më pas, në vitin 2012, realizoi një transferim te Bayern Munich, ku ai ishte pjesë e ekipit triplketës së fituar në edicionin 2012-13.

Një periudhë e shkurtër te Interi u pasua nga një kalim te Stoke City. Por, rënia e Stoke në Championship në vitin 2018, i hapi derën për te Liverpooli, duke luajtur pjesë të rëndësishme në fitimin e Ligës së Kampionëve dhe Ligës Premier.

“Unë gjithmonë do të shikoj prapa me shumë krenari. Mendoj se ajo që arritëm është e mahnitshme”, shton ai.

Fokusi i Zvicrës është kualifikimi për Euro 2024 në Gjermani. Edhe kjo mund të jetë një slitë emocionale për Shaqirin pasi në Grupin I ku gjendet Zvicra, është edhe Kosova.

Në Kampionatin Botëror të vitit 2018, Shaqiri i kishte të stampuar flamujt e të dy vendeve në thembra të atleteve të tij. Xherdani flet më tej për Guardian se ai viziton Ksoovën sa herë që mundet, derisa tregon për shtëpinë e tij në Zhegër të Gjilanit.

“Shtëpia jonë u dogj. Në mure shkruheshin gjëra. Gjithçka ishte bosh”, vazhdon rrëfimin Shaqiri.

Lexo po ashtu Fanellat më të shitura në MLS: Bale në krye të listës, Shaqiri në top 10

“Unë luaj për Zvicrën. Por, unë kam lindur në Kosovë dhe i dua të dy vendet. Unë do të jap 100 për qindshin për Zvicrën. Me siguri do të jetë një moment krenarie. Do të shijoj çdo moment për të luajtur atje, sepse e gjithë familja ime do të vijë. Do të jetë emocionale për mua. Dhe jam i sigurt se do të kemi një pritje shumë të ngrohtë”.

Në moshën 31-vjeçare, Shaqiri po hyn në vitet e muzgut të karrierës së tij. Zjarri në sytë e tij, i farkëtuar në fëmijëri në një sfond lufte dhe sakrificash, vazhdon të digjet me vendosmëri. /Telegrafi/