Futbollisti brazilian kopjoi dietën e Ronaldos dhe u pendua: Mendova se do të vdisja në fushë

Mesfushori i Palmeiras, Gabriel Menino u përpoq të ndiqte dietën e mbajtur nga Cristiano Ronaldo, por u pendua shpejt.

Ronaldo është një model për shumë futbollistë në botë, sidomos për shkak të formës së tij fizike, edhe pse është 38 vjeç. Futbollisti portugez është ende më në formë se shumë lojtarë të rinj dhe dieta e tij është veçanërisht specifike.

Për të përmirësuar paraqitjen e tij në fushë, Gabriel Menino u përpoq të ndryshonte rutinën e tij të përditshme. Ai i kërkoi nutricionistit Mirtes Stancanelli të rregullonte planin e tij të dietës bazuar në atë të Cristiano Ronaldos, por kjo nuk doli të ishte një zgjidhje e mirë.

Ronaldo preferon një dietë të pasur me proteina, me një sasi minimale të sheqerit, yndyrës dhe karbohidrateve. Ai ha deri në gjashtë vakte në ditë dhe shmang të gjitha pijet alkoolike dhe të gazuara.

Kështu, Menino vendosi të ndiqte hapat e tij, por gjërat nuk shkuan ashtu siç ishte planifikuar dhe ai foli për këtë në podcastin Palmeiras Cast.

“Isha në peshën time normale, por doja ta ndryshoja. Telefonova një nutricionist dhe i kërkova të më bënte një dietë si ajo e Cristiano Ronaldos. Doja t’i ngjaj atij”.

Lexo po ashtu Dieta sekrete e pabesueshme e Cristiano Ronaldos

“Dieta ishte e tillë. Për mëngjes, një vezë dhe një suplement ushqimor. Para stërvitjes, një tjetër suplement dhe dreka mund të ishte barbekju dhe sallatë. E njëjta gjë pas darkës dhe më pas një shtesë ushqimore para gjumit. Kjo ishte ajo”, ka thënë ajo.

Ai filloi të mbajë dietë para duelit të këtij sezoni kundër America MG. Ai shpejt e kuptoi se një dietë e rreptë nuk do të sillte gjëra të mira në lojën e tij.

“Unë po ngrohesha dhe më pas nuk mund të vrapoja më. Mendova se do të vdisja në fushë. Pesë minuta pas lojës dhe nuk mund ta bëja më. Duhet të isha zëvendësuar, por dietologu e pa këtë. Nuk isha mirë. I kërkuan masazhatorit të më sillte xhel dhe isotonik, e konsumova dhe më shpëtoi”, ka përfunduar Menino. /Telegrafi/