Një histori e ‘pabesueshme’ vjen nga Siria. Një nënë dhe fëmija i saj i porsalindur po shërohen, pasi u shpëtuan nga rrënojat e shtëpisë së tyre të goditur nga tërmeti dy herë në shtatë ditë.
Dima ishte në muajin e shtatë të shtatzënisë, kur një pjesë e shtëpisë së saj në Jidayris u shemb për shkak të tërmetit të hënën e kaluar, transmeton Telegrafi.
Ajo pësoi lëndime të lehta dhe më vonë lindi një djalë, Adnanin, në një spital në Afrin të mbështetur nga Shoqëria Mjekësore siriane-amerikane (Sams).
Ata u kthyen në shtëpi, e cila u shemb plotësisht tre ditë më vonë. Adnan u dërgua përsëri në spitalin al-Shifa të Afrinit nga shpëtimtarët dhe ishte në gjendje kritike, duke vuajtur nga dehidratimi i rëndë dhe verdhëza, ndërsa Dima u trajtua për një dëmtim të rëndë në ekstremitetet e poshtme.
Mjeku Abdulkarim Hussein al-Ibrahim, pediatër i fëmijëve tha për BBC, se foshnja po i përgjigjet mirë trajtimit.
“Gjendja e Adnanit është përmirësuar ndjeshëm. Ne thjesht po e ushqejmë atë dhe po kujdesemi për pjesën tjetër të nevojave të tij përmes pikave intravenoze”, shtoi mjeku sirian.
Një video e postuar nga Sams tregon Adnanin duke fjetur i qetë në një inkubator. Dima doli përsëri nga spitali dhe jeton në një tendë me burrin e saj Abdul Majid dhe nëntë të afërmit e tyre. Çdo ditë ajo udhëton në Afrin për të vizituar Adnanin në spital.
Familja e saj u detyrua të kthehej në shtëpinë e tyre pjesërisht të shkatërruar pasi ajo lindi, sepse nuk kishte strehë alternative në Jidayris, një nga qytetet më të goditura në veriperëndim të Sirisë të kontrolluar nga opozita.
Ata gjithashtu nuk morën asnjë ndihmë tjetër që nga tërmeti, ashtu si dhjetëra mijëra njerëz dhe familje të tjera që u prekën nga tërmeti shkatërrues. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Iranianët dalin në rrugë për t’i dhënë lamtumirën e fundit presidentit Ebrahim Raisi
Kur një autoblindë 70-vjeçare ruse BTR-50 sulmon trupat ukrainase, është një lajm i keq për Moskën
Franca mbështet Gjykatën Penale Ndërkombëtare, pasi prokurori kërkoi urdhër-arrest për Netanyahun e Izraelit
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251