Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione në mbledhjen e së martës diskutoi lidhur me kërkesën/peticionin e pesë grave-zyrtare në Autoritetin e Aviacionit Civil, lidhur me pretendimet e tyre, kundër diskriminimit gjinor nga ky Autoritet.
Kryetarja e Komisionit, Duda Balje, në vazhdimin e mbledhjes ku i ftuar për të raportuar ishte ministri i Mjedisit, Planifikimit Hapësinor dhe Infrastrukturës, Liburn Aliu, tha se nga 20 gra të punësuara në këtë institucion, kanë marrë ankesa nga 18 prej tyre, raporton Telegrafi.
Ajo bëri të ditur se ankesat lidhen me drejtorin e Autoritetit të Aviacionit Civil, duke pretenduar se i njëjti në vazhdimësi shkel të drejtat e punëtorëve.
Balje tha se është shqetësuese dhe e rrezikshme që 90 për qind e punëtorëve janë të pakënaqur, ndaj kërkoi nga ministri Aliu të marrë masa.
Ky i fundit nuk pranoi të marrë përgjegjësi për shkeljet që janë bërë deri më tani, pasi siç tha, deri në shtator Autoriteti i Aviacionit Civil ka qenë nën mbikëqyrjen e Kuvendit të Kosovës.
“Deri në shtator, Aviacioni Civil ka raportuar në Kuvend dhe në kohën kur është bërë ankesa dhe vendimi i Avokatit të Popullit ka qenë nën mbikëqyrjen e Kuvendit. Ministria e ka marrë nën mbikëqyrje Aviacionin vetëm që tre muaj, pra nga shtatori”, deklaroi Aliu.
Sa i përket drejtorit të Aviacionit ai tha se si ministër nuk ka kompetenca për të marrë vendim për shkarkimin e tij.
“Në Autoritetin e Aviacionit Civil ka probleme bukur të mëdha. Rregullorja e brendshme e punës është hartuar në vitin 2011 dhe prej atëherë nuk është avancuar e as harmonizuar në përputhje me ligjin. Puna e parë që do të bëjmë është ta harmonizojmë rregulloren me ligjin në mënyrë që të ketë sistemim të vendeve të punës”, u shpreh ministri Aliu.
“Aty kemi drejtorë që nuk ka fare staf. Ligji e thotë që s’mund të ketë drejtor e divizione pa pasur staf. Sa i përket drejtorit nuk kam kompetenca si ministër që ta shkarkojë, por jemi duke e pritur raportimin deri në fund të vitit dhe sipas kompetencave, do të marrim masa”. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Evapify - Pasagjeri yt i përhershëm
Eksploro natyrën me veshjet e stilit taktik të Melodia Px
Pasuria e guvernatorit të BQK-së, drejtorit ATK-së dhe drejtorit të Doganës
Agjencia e Ushqimit del me sqarime lidhur me cilësinë e mishit në Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur