Pesë lojtarë të Man Cityt mund të parandalojnë dënimin e Benjamin Mendyt me burgim të përjetshëm

Mbrojtësi i suspenduar i Manchester Cityt, Benjamin Mendy ka zënë vendin e tij në bankën e të akuzuarve për t’u gjykuar në Gjykatën e Chester Croën në Angli për tetë akuza për përdhunim dhe një sulm seksual që dyshohet se ka ndodhur midis viteve 2018 dhe 2021.

Gjyqi i Mendyt pritet të zgjasë përafërsisht 15 javë, me tetë burra dhe gjashtë gra që janë përzgjedhur tashmë si juri.

Sipas The Athletic, deri në pesë nga shokët e skuadrës së Mendyt në Manchester City – nga e kaluara dhe e tashmja – mund të thirren si dëshmitarë.

Lexo po ashtu Benjamin Mendy del sërish para gjykate - çfarë është duke ndodhur me anëtarin e Man Cityt

Jack Grealish, Riyad Mahrez, Kyle Walker, Raheem Sterling dhe John Stones të gjithë mund të jenë të pranishëm në gjyq.

Sipas Daily Mail, anëtarët e jurisë u pyetën nëse kishin ndonjë marrëdhënie me lojtarët që luanin së bashku me Mendyn te City.

Benjamin Mendy's rape trial jury are told that defender's Manchester City team-mates Riyad Mahrez, Jack Grealish, John Stones and Kyle Walker could be called up as witnesses | @Jack_Gaughan https://t.co/NNdVipf9l8

— Mail Sport (@MailSport) August 10, 2022

Me çfarë dënimi mund të përballet Benjamin Mendy?

Dënimi me të cilin mund të përballet Benjamin Mendy mund të variojë nga pesë deri në 20 vjet burg, por nuk mund të përjashtohet një dënim i përjetshëm.

Mendy, i cili iu bashkua Manchester Cityt nga Monaco në vitin 2017, u deklarua i pafajshëm për nëntë akuza të veprave seksuale.

Ai u pezullua nga “Qytetarët” pasi policia e akuzoi atë më 26 gusht të vitit 2021. /Telegrafi/