Dënohet me tetë vite e gjysmë burgim britaniku i cili e themeloi grupin neo-nazist Veprimi Kombëtar

Gjykata e Old Bailey në Londër ka dënuar me tetë vite e gjysmë burgim themeluesin e grupit famëkeq neo-nazist, grup nga i cili disa anëtarë u infiltruan në ushtri dhe polici.

Ish-studenti i filozofisë Alex Davies u shpall fajtor me 17 maj të këtij me akuzat mbi aktivitet terrorizmi, përcjell Telegrafi.

Ai nga prokuroria u përshkrua si “ekstremist i madh” i cili kishte një vend të veçantë në histori si individ i cili themeloi dy grupe të ekstremit të djathtë të cilat u mbyllën nga ligji mbi terrorizmin.

Ai ishte i fundit nga 25 anëtarët e grupit neo-nazist Veprimi Kombëtar i cili u burgos, pasi që ai u dënua me veprën se ai po e vazhdonte aktivitetin e organizatës së tij edhe pasi që ata u mbyllën për shkak të thirrjeve për vrasjen e parlamentarëve.

Prokurorët e përshkruan atë si një njeri me pamje të pafajshme, inteligjent dhe i edukuar në momentin kur ai e themeloi organizatën përderisa ishte student në Universitetin e Warwick, ku ai për qëllim kishte rekrutimin e studentëve dhe të rinjve të tjerë për kauzën e neo-nazizmit. /Telegrafi/