Jennifer Aniston do të jetë e ftuara e fundit në emisionin e Ellen DeGeneres – 19 vjet pasi ajo ishte mysafirja e parë

Jennifer Aniston do të jetë e ftuara e fundit në emisionin e Ellen DeGeneres, u bë e ditur të martën (10 maj).

Episodi i fundit do të transmetohet më 26 maj me Pink dhe Billie Eilish gjithashtu si të ftuar, shkruan DailyMail.

Aktorja do të vizitojë shfaqjen në ditën e fundit të Ellen, 19 vjet pasi ylli i “Friends” ishte e ftuari e parë e shfaqjes. Kjo do të jetë hera e 20-të e Jenniferit si e ftuar në emision.

Të ftuar të tjerë që do të shfaqen para finales përfshijnë Oprah Winfrey, Julia Louis-Dreyfus, Mila Kunis, Kate McKinnon, Justin Timberlake, Keith Urban, Zac Efron, Sean ‘Diddy’ Combs, Luke Bryan, Kerry Washington, Brad Paisley dhe Bruno Mars.

Në shtator Aniston u shfaq në debutimin e sezonit të kaluar, ajo u përlot sapo doli në skenë, duke kuptuar se spektakli me të vërtetë po i vjen fundi.

Ellen njoftoi në maj të vitit 2021 se shfaqja po përfundonte pas ankesave për një vend pune toksik nga stafi në shfaqje që çoi në një hetim të brendshëm nga Warner Bros.

Jennifer u përlot kur Ellen tha se ylli i Hollivudit ka qenë pjesë e spektaklit që nga dita e parë dhe duke e prezantuar atë si një “shoqe”.

Ylli i “Finding Dory” do t’i japë fund shfaqjes së saj në muajt e ardhshëm dhe formacioni i mbushur me yje për sezonin 19 – i cili do të ketë një audiencë plotësisht të vaksinuar në studio – drejtohet nga ish-ylli i Friends. e cila ishte e ftuara e parë kur filloi programi në vitin 2003.

Episodi i parë do të shohë gjithashtu Jimmy Kimmel të bëjë paraqitjen e tij të 20-të në shfaqje, ndërsa të ftuar të tjerë në javën e parë do të përfshijnë Kim Kardashian – e cila do të japë intervistën e saj të parë të gjatë që nga fundi i “Keeping Up With the Kardashians”, Imagine Dragons dhe Tiffany Haddish.

Dhe kjo nuk është e gjitha pasi më vonë gjatë sezonit Melissa McCarthy, Julianne Moore, Melissa Etheridge dhe Sean ‘Diddy’ Combs do të jenë ndër yjet që do të ulen për herë të fundit në divanin e famshëm të Ellen.

Lexo po ashtu Të gjitha lajmet nga Ellen DeGeneres

Sezoni 19 i Ellen DeGeneres Show filloi të hënën më 13 shtator. Ajo njoftoi në maj se do ta mbyllte shfaqjen në vitin 2022.

Ellen – e cila është e martuar me Portia de Rossi – e mendoi vendimin ‘për një kohë’, por gjithashtu pranoi se kur nënshkroi për tre sezonet e ri dy vjet më parë, ajo e dinte se seria e 19-të do të ishte e fundit për të.

“Dy vjet më parë, nënshkrova një marrëveshje edhe për tre vite të tjera dhe gjithmonë e dija në zemrën time se sezoni i 19-të do të ishte i fundit”, ka thënë Ellen. /Telegrafi/