Istogu fiton për një gol finalen e parë ndaj Ferizajt në Superligën e femrave në hendboll
Një ndeshje dramatike është luajtur të shtunën mbrëma në palestrën në Istog që ishte e stërmbushur me thuaje 2.000 shikues.
Hendbollistet e Istogut dhe ato të Ferizajt e kanë zhvilluar ndeshjen e parë të finales së ‘play-offit’ në Superligën e Kosovës. Skuadra e Istogut pas një ndeshje interesante ka fituar me një gol dallim, 32-31.
Tani Istogut i duhet edhe një fitore apo një barazim për ta siguruar titullin e kampionit. Por natyrisht Ferizaj nuk është dorëzuar dhe do ta kërkojë përmbysjen e rezultatit. Ndeshja e dytë luhet mesjavën e ardhshme në Ferizaj.
Ndeshjen e parë finale më mirë e nisi skuadra mysafire që në minutat e parë krijoi epërsi deri në tri gola. Pas minutës së 18-të, në epërsi kaluan vendaset që po ashtu u shkëputën deri në tri gola. Pjesa e parë përfundoi me rezultat 16:14 për vendaset.
Epërsinë prej dy-tri golave, Istogu e mbajti edhe në fillim të pjesës së dytë. Në minutën e 43-të, Istogu ishte në epërsi prej katër golave, 25-21. Por ferizajaset nuk u dorëzuan. U afruan në rezultat, disa herë deri në një gol. Në minutën e 59-të rezultati ishte 31-30. Vendaset shënuan për 32-30, ndërsa fare në fund Ferizaj shënoi për rezultatin përfundimtar, 32-31 për Istogun.
Në përgjithësi ishte një ndeshje interesante dhe e hapur deri në fund. Vlen të ceket atmosfera shumë e mirë dhe sjelljet korrekte të shikuesve që e mbushën palestrën në Istog.
Natalia Milatoviq udhëhoqi Istogun me nëntë gola. Tetë herë realizoi Esma Muratoviq, ndërsa Dayane Da Rocha i realizoi tetë penallti. Gjashtë gola i shënoi Anja Bojaniq e një Adelina Berisha.
Te Ferizaj, 10 gola i shënoi braziliania Ligia Da Silva. Braziliania tjetër, Ana Luisa Chaves shënoi shtatë gola dhe u shqua me organizim të lojës.
Albulena Basha e Larissa Da Silva shënuan nga katër gola. Tre i shënoi Meri Koneski, ndërsa nga një e shtuan Mirjeta Dinolli e Albulena Kelmendi.
Promo
Reklamo këtuLufta Prigozhin - Putin
Më shumëTri refuzimet që mori Bayern Munich – tani trajneri italian kthehet si opsioni i parë
Barcelona e hapur për të shitur yllin e madh të ekipit
Real Madridi në fazën finale të rinovimit të stadiumit - skybar është pjesa më luksoze e "Santiago Bernabeut" të ri
Rreth tetë futbollistë të Liverpoolit do të largohen nga "Anfield Road" në fund të sezonit - në listë edhe emra të rëndësishëm
Tifozët kanë mbetur të shokuar me pritjen që iu bë Toni Kroosit në ‘Allianz Arena’
Tifozët e Real Madridit kanë mbetur të habitur me praninë e ‘lojtarit misterioz’ me ekipin në Gjermani
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit