Antibiotiku natyral – thuhet se kjo bimë shëron gjithçka, përveç vdekjes

Qimnoni i zi nuk lë pasoja të dëmshme, jo vetëm që shëron disa sëmundje, por edhe parandalon shfaqjen e tyre në të ardhmen

Elmedina Ukshini
Terapiste e ushqimit
Tel. 045953110

Nga të gjitha bimët në botë, qimnoni i zi është ai që përmendet më shpesh në shkrimet historike, në Bibël dhe në Hadith.

Thuhet se edhe Tutakamoni ka përdorur vetitë e tij shëruese, dhe se është varrosur me të për ta ndihmuar në rrugën drejt pavdekësisë.

Profeti islam Muhamed thotë për të: “Qimnoni i zi – shëron çdo gjë, përveç vdekjes”. Sigurisht, ky term duhet kuptuar si një epitet për këtë bimë, dhe për përvetësimin e së cilës kjo bimë luftoi me ndershmëri.

Efekti i qimnonit të zi është vërtetuar shkencërisht, kështu që historitë që lidhen me vetitë e tij shëruese nuk bazohen vetëm në legjenda, por në raste dhe përvoja konkrete, si dhe në provat shkencore të mjekësisë moderne.

Mjekësia moderne ka treguar se qimnoni i zi ndikon pozitivisht në një numër të madh sëmundjesh, por veçanërisht mund të theksohen sëmundjet autoimune si skleroza e shumëfishtë, astma, alergjitë, psoriaza, artriti reumatoid etj.

Veprimi i tij antibakterial, antimykotik dhe antimikrobik është konfirmuar shkencërisht në mbi 200 studime të ndryshme, kështu që ky vaj përdoret në trajtimin e infeksioneve me baktere të caktuara në të cilat antibiotikët nuk mund të ndihmojnë.

Në trajtimin e infeksioneve të vazhdueshme dhe të rënda me candida, Escherichia coli, streptokoke, viruse dhe patogjenë të tjerë të organizmit, qimnoni i zi ka rezultuar shumë i suksesshëm.

Pas terapive me të janë raportuar rrallë recidivet dhe bakteret nuk kanë treguar rezistencë ndaj vetive shëruese të qimnonit të zi.

Kjo është arsyeja pse sot, kur shumë njerëz që vuajnë nga infeksione të vazhdueshme po largohen nga trajtimi me antibiotikë, sepse nuk japin rezultat, qimnoni i zi po kërkohet gjithnjë e më shumë dhe publiku shkencor po e drejton interesin e tij në kërkime të mëtejshme për përfitimet e tij.

Fara e qimnonit të zi ndikon në mënyrë të favorshme në disa parametra që lidhen me rrezikun e sëmundjeve të zemrës, duke përfshirë uljen e kolesterolit total dhe LDL-së. Poashtu, është treguar e dobishme në çrregullimet autoimune si tiroiditi Hashimoto, artriti reumatoid, astma alergjike, sinusiti, ekzema, etj.

Kjo erëz kuruese pritet të jetë një agjent i mundshëm kundër kancerit. Ka studime të vazhdueshme për rolin e saj në kontrollin e shfaqjes, rritjes dhe përhapjes së tumoreve. Burime të besueshme thonë se qimnoni i zi, në të ardhmen, mund të jetë pjesë e protokollit të parandalimit dhe trajtimit.

Përbërësit e qimnonit të zi

Kjo shtesë ushqimore përmban 21% proteina, 38% karbohidrate dhe 35% yndyra bimore. Farat e saj të vogla të zeza përmbajnë një grup përbërësish të rëndësishëm si aminoacide, enzima tretëse, acide yndyrore dhe minerale, duke përfshirë acidin linoleik, oleik dhe palmitik, tiaminë, riboflavin, hekur, bakër, zink, fosfor, bakër, omega 3 dhe omega 6.

Përbërësi më i rëndësishëm

Një nga përbërësit bioaktivë më aktivë të kësaj bime është thymoquinone (TQ), cilësia e të cilit përdoret për të vlerësuar origjinalitetin dhe cilësinë e vajit, si dhe efektin e tij farmakologjik. 20-57% mund të gjendet në vaj esencial. Përmbajtja e thymoquinone në vajin e qimnonit të zi ndryshon në varësi të vendit dhe kushteve të rritjes së bimës. Këto dallime reflektohen në vetitë e vajit, veçanërisht në shijen e tij, por edhe në efektet e tij shëruese.

Veprimet farmakologjike

Veprimet farmakologjike të qimnonit të zi, të cilat deri më tani janë vërtetuar dhe përshkruar në literaturën profesionale, kanë të bëjnë kryesisht me:

Veprim antimikrobik – parandalon zhvillimin e mikroorganizmave (viruseve, baktereve, kërpudhave).
Veprim antidiabetik – ndihmon në rregullimin e nivelit të sheqerit në gjak.
Veprim imunomodulues – rregullon aktivitetet e sistemit imunitar.
Antihipertensiv – ndihmon në rregullimin e presionit të lartë të gjakut.
Antioksidant – ngadalëson dhe ndalon aktivitetet e radikalëve të lirë.
Veprim antispazmatik – parandalon dhe redukton pasojat e ngërçeve të muskujve.
Veprim antiflamator – ndihmon me gjendjet e dhimbshme.
Aktiviteti gastroprotektiv – stimulon tretjen.
Efekt laksativ – ndihmon me jashtëqitje të forta dhe kapsllëk.
Veprim diuretik – përshpejton urinimin.
Veprim bronkodilator – mbështet bronkodilimin.

Farat e qimnonit të zi përdoren gjerësisht si erëz në pije, brumëra, mish, por edhe si zëvendësues i piperit, i cili nuk irriton sistemin tretës. Gjithashtu mund të shtohen në tërshërë, smoothie ose kos. /Telegrafi/