Tom Cruise nervozohet me stafin e tij për thyerjen e rregullave anti-covid, pesë punëtorë largohen nga puna

Aktori 58 vjeçar, Tom Cruise thuhet se i dha stafit një vërejtje pasi i kapi ata duke thyer rregullat e Anti-covid në Warner Bros Studio në Leavesden, Hertfordshire, të martën.

Tani një burim ka pohuar pasi lajmi i nervozizmit të tij u bë publik, ka pasur ‘më shumë zemërim’ te stafi realizues, të cilët janë tashmë ‘të tensionuar’, shkruan DailyMail.

Pesë anëtarë të ekipit të xhirimeve të “Mission: Impossible 7” janë larguar pasi Tom Cruise filloi të shprehë zemërimin e tij për thyerjen e rregullave.

Një burim i brendshëm i tha The Sun: “Tensioni po ndodh prej muajsh dhe kjo ishte kulmi. Që kur u bë publike, ka pasur më shumë zemërim dhe disa persona nga staf kanë ecur”.

“Por Tom thjeshtë është i mërzitur që të tjerët nuk po e marrin aq seriozisht sa ai”, tha burimi i brendshëm.

Ai shtoi se është Tom ai që ndihet përgjegjës për prodhimin e filmit pasi investoi kaq shumë kohë dhe para për të siguruar që masat paraprake të ishin në vend që ekipi të filmonte.

Është raportuar më parë se ylli i Hollywoodit qortoi punëtorët të cilët hodhën poshtë rregullat e distancës shoqërore ndërsa xhironin në Warner Bros Studios.

Duke thirrur qëndrimin e pakuptimtë të karakterit të tij, Ethan Hunt, aktori thuhet se u tha atyre: ‘Nëse do ju shoh se po e bëni përsëri, do të jeni të pushuar’.

Gazeta tha që debati ishte regjistruar në një kasetë audio, në të cilën ai dëgjohet duke shtuar: “Dhe nëse dikush në këtë ekip vazhdon të thyejë rregullat, kjo është e gjitha – dhe ju gjithashtu dhe ju gjithashtu. Ne nuk do ta mbyllim këtë film”.

Aktori amerikan thuhet se u zemërua pasi pa dy persona që qëndronin më pak se një metër larg njëri-tjetrit në një ekran kompjuteri. /Telegrafi/